সকলো উৎকণ্ঠাৰ অন্ত পেলাই ৰাজ্যৰ ৩০ হেজাৰ তৃতীয় আৰু চতুৰ্থ বৰ্গৰ নিযুক্তি পৰীক্ষাৰ বাবে দিন ঘোষণা কৰাৰ পিছত মুখ্যমন্ত্ৰীৰ কঠোৰ এছ অ পি৷পৰীক্ষা কেন্দ্ৰ সমুহৰ বাবে চৰকাৰে নিৰ্ধাৰণ কৰি দিয়া নীতি- নিৰ্দেশনা অনুসৰি প্ৰতিটো পৰীক্ষা কেন্দ্ৰত সম্পূৰ্ণৰূপে বন্ধ থাকিব ইন্টাৰনেট সেৱা ৷ পৰীক্ষাৰ্থীসকলে লগত নিব নোৱাৰিব ম’বাইল ফোন ৷
আজি দিছপুৰৰ জনতা ভৱনৰ মুখ্যমন্ত্ৰী সভাগৃহত মুখ্যমন্ত্ৰী ড:হিমন্ত বিশ্ব শৰ্মাই ভিডিঅ কনফাৰেন্স যোগে ৰাজ্যৰ উপায়ুক্ত-আৰক্ষী অধীক্ষকৰ সৈতে পৰীক্ষা নিকা আৰু স্বচ্ছতাৰে অনুষ্ঠিত কৰাৰ সম্পৰ্কত মতবিনিময় কৰে৷মুখ্যমন্ত্ৰীয়ে কয় যে, ৩০ হাজাৰ চাকৰিৰ প্ৰশ্নকাকত লিক হ’লে জিলা উপায়ুক্ত পোনপটীয়াকৈ দায়ী হ’ব বুলি স্পষ্ট কৰি দিয়ে ৷ তদুপৰি মহকুমাধিপতি বা আন গেজেটেড বিষয়া- কৰ্মচাৰীয়ে কামত অৱহেলা কৰাৰ কিবা উমান পালে আগতীয়াকৈ উপায়ুক্তই লওক ব্যৱস্থা ৷ তাৰ পিছতো যদি কিবা খেলিমেলি হ’লেও দায়বদ্ধ হ’ব সংশ্লিষ্ট জিলাৰ উপায়ুক্তজন ৷
মুখ্যমন্ত্ৰীয়ে পৰীক্ষা সুচাৰুৰূপে অনুষ্ঠিত কৰাৰ বাবে প্ৰতিটো কেন্দ্ৰত এজন আৰক্ষী উপ- পৰিদৰ্শক নিয়োজিত হৈ থকাৰ বিপৰীতে আৰক্ষী অধীক্ষক গৰাকী জিলাখনৰ সকলো কেন্দ্ৰৰ চুপাৰভাইছ কৰিব৷ ছেবা আৰু আৰক্ষীৰ যৌথ সমন্বয়ত পৰীক্ষা নিকাভাৱে অনুষ্ঠিত হোৱাৰ আশা কৰে মুখ্যমন্ত্ৰী শৰ্মাই ৷ আনহাতে ৰাজ্যৰ মুখ্যসচিব আৰু তেওঁৰ অধীনস্থ সচিব সকলে পৰীক্ষা কেন্দ্ৰ সমুহৰ মণিটৰিং কৰিব দিছপুৰৰ পৰা ৷
উল্লেখ্যযোগ্য যে ২১আগষ্টত পুৱা ১০বজাৰ পৰা ১২ বজালৈ হ’ব লগা পৰীক্ষাত অৱতীৰ্ণ হৈছে চাৰিলাখে৷ পিচবেলা ২ বজাৰ পৰা ৪ বজাত অৱতীৰ্ণ ১.০৬ লাখ,২৮ আগষ্টৰ পুৱা বেলাত ৫.৪লাখ, পিছবেলা ৩লাখ৷ আনহাতে ১১ ছেপ্তেম্বৰত ১৪ হাজাৰ ড্ৰাইভাৰ পদৰ বাবে পৰীক্ষা অনুষ্ঠিত হ’ব পুৱা ১০ বজাৰ পৰা দিনৰ ১২বজালৈ৷ ২১ আৰু ৩৮ আগষ্টৰ পৰীক্ষাত অৱতীৰ্ণ হোৱা মুঠ পৰীক্ষাৰ্থীৰ সংখ্যা ১৪ লাখ ৷
আজি উপায়ুক্তৰে অনুষ্ঠিত হোৱা ভিডিঅ কনফাৰেন্স বৈঠকত মুখ্যমন্ত্ৰীৰ সৈতে উপস্থিত থাকে মুখ্য সচিব জে বৰুৱা,আৰক্ষী সঞ্চালক প্ৰধান ভাস্কৰজ্যোতি মহন্ত,ছেবাৰ অধ্যক্ষ ৰমেশ চান্দ জৈন সহ উচ্চ পদস্থ বিষয়া ৷