জিএমচিএইচ-এ প্ৰথমবাৰৰ বাবে সফলতাৰে সংৰোপণ হাড়ৰ মজ্জা

গুৱাহাটী চিকিৎসা মহাবিদ্যালয় হাস্পতালত প্ৰথমবাৰৰ বাবে অস্থি মজ্জা সংৰোপণ (বিএমটি) সফলতাৰে সম্পন্ন হয়। কামৰূপ জিলাৰ কমলপুৰ গাঁৱৰ বাসিন্দা ৰোগীজনক সফলতাৰে অস্থি মজ্জা সংৰোপণৰে সুস্থ হৈ উঠাৰ অন্তত মঙলবাৰে মুকলি কৰি দিয়া হয়।

সফল প্ৰক্ৰিয়াটোৰ বাবে চিকিৎসক আৰু কৰ্মচাৰীৰ দলটোক অভিবাদন জনাবলৈ আজি জিএম চিএইছত উপস্থিত হয় মুখ্যমন্ত্ৰী হিমন্ত বিশ্ব শৰ্মা ৷ ইয়াতে এক সংবাদমেল সম্বোধন কৰি মুখ্যমন্ত্ৰী গৰাকীয়ে এই সন্দৰ্ভত কয়, “জিএমচিএইচৰ বাবে এয়া এক বৃহৎ কৃতিত্ব । বিএমটি ৰোগীসকলৰ বাবে দুখন আসন থাকিব জিএম চি এইছত আৰু প্ৰক্ৰিয়াটোৰ বাবে প্ৰায় ২ লাখ টকা ব্যয় হ’ব।”

What makes this feat special is that now it gives us the ability to offer this critical care to patients at a much lower cost as against cost incurred by State Govt in referring our patients to outside Assam.

Our commitment to give the best healthcare services is unwavering.

— Himanta Biswa Sarma (Modi Ka Parivar) (@himantabiswa) August 30, 2022

বিএমটিৰ প্ৰয়োজনীয় ৰোগীৰ বাবে অধিক আসনৰ প্ৰয়োজনীয়তাৰ ওপৰত গুৰুত্ব আৰোপ কৰি মুখ্যমন্ত্ৰীয়ে লগতে কয় যে মহানগৰখনত দ্বিতীয় খন চিকিৎসা মহাবিদ্যালয় খোলাৰ সময়ত আসনৰ ঘাটি কিছুমানলৈ বৃদ্ধি কৰা হ’ব। “অসম চৰকাৰে এবছৰৰ ভিতৰত নতুন চিকিৎসা মহাবিদ্যালয় হাস্পতালখন সম্পূৰ্ণ কৰাৰ বাবে কাম কৰি থকা হৈছে ৷ তাৰ পিছত আমি কৰ্কট ৰোগীসকলৰ বাবে অধিক আসন লাভ কৰিব পাৰোঁ আৰু লগতে যকৃত সংৰোপণো কৰিব পাৰোঁ,” তেওঁ লগতে কয় জিএমচিএইচত ইন ভিট্ৰো ফাৰ্টিলাইজেচন (আইভিএফ) সুবিধা স্থাপনৰ কাম চলি আছে ।

উল্লেখ্য যে বিগত বৰ্ষৰ জুলাইত ডাঃ বি বৰুৱা কৰ্কট প্ৰতিষ্ঠান (বিবিচিআই)য়েও প্ৰথমবাৰৰ বাবে অস্থি মজ্জা সংৰোপণ (বিএমটি) সফলতাৰে কৰিছিল ৷