ভাৰতীয় বায়ু সেনাই বুধবাৰে আমেৰিকাৰ প্ৰতিৰক্ষা বিমান যুদ্ধ নিৰ্মাণ প্ৰতিষ্ঠান বোয়িংৰ পৰা আমেৰিকা যুক্তৰাষ্ট্ৰৰ সেনাই ব্যৱহাৰ কৰা চিনুক হেলিকপ্টাৰৰ সম্পূৰ্ণ তথ্য বিচাৰিছে ৷ বোয়িং-ৰ দ্বাৰা প্ৰস্তুত কৰা আমেৰিকা যুক্তৰাষ্ট্ৰৰ চিনুক হেলিকপ্টাৰবোৰ আইএএফে ১৫ টা ফ্লীটত ব্যৱহাৰ কৰাৰ বাবে ২০১৯ৰ মাৰ্চত অন্তভুৰ্ক্ত কৰে ।
এএনআইৰ উদ্ধৃতিৰে ভাৰতীয় বায়ু সেনাৰ এজন মুখপাত্ৰই কয়, “ভাৰতীয় বায়ু সেনাৰ চিনুক হেলিকপ্টাৰ ফ্লীট এতিয়াও সেৱাত আছে। ভাৰতে ইঞ্জিনত জুই লগাৰ আশংকাৰ বাবে মাৰ্কিন যুক্তৰাষ্ট্ৰৰ সেনাৰ চিনুক চিএইচ-৪৭ হেলিকপ্টাৰৰ বন্ধ কৰা সন্দৰ্ভত বিস্তৃত তথ্য আশা কৰে বোয়িংৰ পৰা ৷
ৱাল ষ্ট্ৰীট জাৰ্নেলে আমেৰিকা যুক্তৰাষ্ট্ৰৰ সেনা বিষয়াসকলৰ উদ্ধৃতি দি কৈছিল যে তেওঁলোকে হেলিকপ্টাৰৰ সৈতে কেইটামান ইঞ্জিনৰ জুইৰ বিষয়ে অৱগত আছিল। তেওঁলোকে কৈছিল যে ঘটনাবোৰৰ ফলত কাকো আঘাত বা হত্যা কৰা হোৱা নাছিল।
উল্লেখ কৰিব লাগিব যে উত্তৰ-পূবৰ ৰাজ্যসমূহৰ সমস্যা সমাধানৰ বাবে ভাৰতীয় চিনুক হেলিকপ্টাৰ ফ্লীটৰ এটা গোট অসমত ৰখা হৈছে, আনহাতে উত্তৰ অংশৰ অভিযানৰ বাবে চণ্ডিগড়ত আন এটা গোট মোতায়েন কৰিছে।
