আলোচনাৰ মেজতে হঠাৎ পাক প্রধানমন্ত্রী শ্বাহবাজ শ্বৰিফৰ কাণৰ পৰা খুলি পৰিল হেডফোন । ইয়াৰ পাছতে দেখা গ’ল এক অভিনৱ দৃশ্য, যিমাবাৰ তেওঁ হেডফোনটো কাণত গোঁজাৰ চেষ্টা কৰে, সিমানবাৰেই খুলি পৰি যায় । কাণ সলনি কৰাৰ পাছতো তেওঁ হেডফোনটো যথাস্থানত বহাব নোৱাৰে ।
শ্বৰিফৰ দশা দেখি আগবাঢ়ি আহে এক সহকাৰী । পাক প্রধানমন্ত্রীৰ বাওঁফালৰ কাণত হেডফোনটো লগাই দিয়ে । কিন্তু কিছু ছেকেণ্ডৰ পাছতেই পুনৰ একেই দৃশ্য ! তৎক্ষণাৎ হাঁহিবলৈ আৰম্ভ কৰে আলোচনাৰ মেজত বহি থকা ৰুছ ৰাষ্ট্ৰপতি ভ্লাদিমিৰ পুটিন । লগতে দুই দেশৰ প্রতিনিধি দলৰ সদস্যসকলৰ মুখতো হাঁহি ফুটি উঠে । অৱশেষত পুনৰ সেই সহকাৰীৰ চেষ্টাত শ্বৰিফৰ কাণত থাকিল হেডফোন ।
This CrimeMinister is a constant embarrassment for Pakistan. Even President Putin had to eventually just laugh at this clumsy man. Pathetic. This is what conspirators wanted? To have by design a politician who would not only be a crook but also a pathetic apology for a PM? pic.twitter.com/mmEhLY7RZg
— Shireen Mazari (@ShireenMazari1) September 15, 2022
বৃহস্পতিবাৰে উজবেকিস্তানৰ সমৰখণ্ডত ছাংহাই ক’অপাৰেছন শীর্ষ সন্মিলনত দুই ৰাষ্ট্রনেতাৰ পার্শ্ববৈঠকৰ সময়ত এই ‘হাঁহিৰ দৃশ্য’ক লৈ ইতিমধ্যে পাক ৰাজনীতিত বিতর্ক আৰম্ভ হৈছে । প্রাক্তন প্রধানমন্ত্রী ইমৰান খানৰ দল পাকিস্তান তেহৰিক-ই-ইনছাফ ভিডিঅ’টো সামাজিক মাধ্যমত প্রকাশ কৰি পাক প্রধানমন্ত্রীক কটাক্ষ কৰিছে ।
لیکن تصویر میں تو ایک فریق نوٹ لکھ رہا ہے اور دوسرا نکموں کی طرح بیکار بیٹھا ہوا ہے، لگتا تو یہی ہے کہ بیکار بیٹھا ہوا فریق بغیر کوئی کام کیے ہوئے یہاں بھی کسی بھیک کے اعلان کے انتظار میں ہے۔ https://t.co/dDaNp2ZchB pic.twitter.com/3yzIEpzshm
— Qasim Khan Suri (@QasimKhanSuri) September 15, 2022
ইমৰানৰ দলৰ আন এজন নেতা তথা পাক নেছনেল এছেম্বলিৰ প্রাক্তন ডেপুটি স্পিকাৰ কাছিম খান সুৰিয়ে শুকুৰবাৰে পুটিন-শ্বাহবাজৰ এই বৈঠকৰেই এটা ছবি টুইট কৰে । তাত দেখা গৈছে, দুই ৰাষ্ট্রনেতাৰ আলোচনা চলাকালীন ৰুছ প্রতিনিধিসকলে কাগজত কলমেৰে টুকি লৈছে । কিন্তু পাক প্রতিনধিসকল বহি আছে । টুইটাৰত সুৰিয়ে লিখিছে, ‘এক পক্ষই আলোচনাৰ বিষয়সমূহ লিখি ৰাখিছে । অন্য পক্ষ নিৰ্বোধ হৈ অলসভাৱে বহি আছে ।’