WORLD : বিশ্বৰ সংবাদ মাধ্যমৰ সুৰক্ষা আৰু অধিকাৰ সংস্থা’প্ৰেছ এম্বেল কেম্পেইন’ (পিইচি)য়ে যোৱা বছৰৰ সামৰিক অভ্যুত্থানৰ পিছৰ পৰা ম্যানমাৰত কৰ্মৰত সাংবাদিকসকলক ওপৰত ধাৰাবাহিক আতিশয্য চলোৱাৰ লগতে বহু কেইগৰাকী সংবাদকৰ্মীক কাৰাগাৰলৈ নিক্ষেপ কৰা কাৰ্যক গভীৰ উদ্বেগ প্ৰকাশ কৰে ৷ আটকাধীন সকলো সাংবাদিকৰ বাবে নিৰপেক্ষ বিচাৰ নিশ্চিত কৰাৰ বাবে কৰ্তৃপক্ষক আহ্বান জনাইছে পি ইচিয়ে।
দক্ষিণ-পূব এছিয়াৰ ৰাষ্ট্ৰখনৰ ৰাজধানী য়াংগনৰ সংবাদ মাধ্যমৰ প্ৰতিবেদন অনুসৰি বিবিচি বাৰ্মিজৰ এজন ফ্ৰিলান্স ৰিপৰ্টাৰক ১৫ ছেপ্টেম্বৰত ইনছেইন কাৰাগাৰৰ এখন সামৰিক আদালতে কাৰাদণ্ড বিহে ৷ উল্লেখ্য যে ইতিপূৰ্বে আন গক গোচৰত তিনি বছৰৰ বাবে কাৰাবাস খাটিছিল এইচ টিইটি খিনেক নামৰ মহিলা সাংবাদিক গৰাকীয়ে ৷ যোৱা বছৰৰ ১৫ আগষ্টত তেওঁক পুনৰ গ্ৰেপ্তাৰ কৰা হৈছিল তেতিয়াৰে পৰা য়াংগনৰ কুখ্যাত কাৰাগাৰতে এবছৰৰো অধিক সময় কাৰাৰুদ্ধ হৈ আছে । জনপ্ৰিয় সাংবাদিকগৰাকীয়ে বিবিচিৰ বাবে ‘খান চাৰ কী’ নামৰ এটা বাৰ্মিজ ভাষাৰ কাৰ্যসূচী ৰূপায়ণ কৰিছিল কৰিছিল ৷ য’ত তেওঁ দৰিদ্ৰতাপীড়িত দেশখনত আসন্ন গৃহযুদ্ধৰ পটভূমিত বহুতো বাৰ্মিজ ৰাজনৈতিক আৰু সামাজিক নেতাৰ কাহিনী বৰ্ণনা কৰিছিল। এনেবোৰ কাৰণতে সামৰিক জান্তাৰ টাৰ্গেট হৈ পৰে সাংবাদিক গৰাকী ৷
মনকৰিবলগীয়া যে “২০২১ চনৰ ১ ফেব্ৰুৱাৰীত সংঘটিত অভ্যুত্থানৰ পিছত, সামৰিক শাসকে বহুতো সংবাদ মাধ্যমক ম্যানমাৰৰ ভিতৰত তেওঁলোকৰ কাৰ্যালয় বন্ধ কৰিবলৈ বাধ্য কৰায়। এতিয়ালৈকে প্ৰায় ১৪৫ জন সাংবাদিকক গ্ৰেপ্তাৰ কৰা হৈছে আৰু তেওঁলোকৰ এক-তৃতীয়াংশ এতিয়াও বন্দী হৈ আছে। সামৰিক শাসকৰ এই অগণতান্ত্ৰিক কাৰ্যৰ বিৰুদ্ধে গৰজি উঠিছে প্ৰেছ এম্বেল কেম্পেইন চমুকৈ পিইচি-এ৷ আন্ত:ৰাষ্ট্ৰীয় সাংবাদিক সংগঠনটোৰ সভাপতি ব্লেজ লেম্পেনে কয়,আমি সামৰিক কৰ্তৃপক্ষৰ দ্বাৰা সকলো সাংবাদিকৰ চৰ্তহীন মুক্তি দাবী কৰো,” ৷
উল্লেখ্য যে ম্যানমাৰত শেহতীয়াকৈ গৃহযুদ্ধৰ দৰে পৰিস্থিতিৰ সন্মুখীন হৈছে য’ত সৈন্যসকলে বিভিন্ন সংগঠনৰ গণতন্ত্ৰপন্থী কৰ্মীসকলক আক্ৰমণ লক্ষ্য কৰি লৈছে ৷ আনহাতে সামৰিক শাসক বিৰোধী গোটেও তেওঁলোকৰ আত্মীয় আৰু শুভাকাংক্ষী সকলৰ সৈতে সামৰিক বাহিনীক লক্ষ্য কৰি লোৱাৰ বাবে হাতত অস্ত্ৰ লৈছিল ৷ এনে প্ৰেক্ষাপটত সাংবাদিকসকল সন্মুখীন হৈছে এক কঠিন পৰিস্থিতিৰ ।
