সাপৰ মুখত চুমা দিবলৈ গৈ বিপদত পৰিল এজন যুৱক । এটা ইণ্ডিয়ান ক’ব্ৰা উদ্ধাৰ কৰিবলৈ গৈছিল এলেক্স নামে এজন যুৱকে । তথ্য অনুসৰি, তেওঁ প্ৰায়ে সাপ উদ্ধাৰ কৰে । কিন্তু সকলো সময়তে এই কামত শংকা থাকেই । সেয়া জানিও ইণ্ডিয়ান ক’ব্ৰা উদ্ধাৰ কৰাৰ পাছত কেমেৰাৰ সন্মুখতে সাপটোৰ মূৰত চুমা দিব বিচাৰিছিল এলেক্সে । তেওঁ সাপটোৰ মূৰত চুমা দিবলৈ মুখখন ওচৰত নিওঁতেই হাতৰ মুঠি কিছু ঢিলা হৈ যায় আৰু সেই সুযোগতে ক’ব্ৰাই এলেক্সৰ উঠত খোঁটি দিয়ে ।
সাপটোৱে খোঁটাৰ পাছতে তাক এৰি দিয়ে এলেক্সে । এই ভয়ংকৰ ঘটনাটো সংঘটিত হৈছে কর্নাটকৰ ছিমোগা জিলাৰ ভদ্রাৱতীত । সাপে খোঁটাৰ পাছত এলেক্সক উদ্ধাৰ কৰি জিলা চিকিৎসালয়ত ভর্তি কৰোৱা হয় ।
https://twitter.com/HateDetectors/status/1576200565864173568?ref_src=twsrc%5Etfw%7Ctwcamp%5Etweetembed%7Ctwterm%5E1576200565864173568%7Ctwgr%5E737fb22a4e503572c80596f08ca29daccea72dba%7Ctwcon%5Es1_c10&ref_url=https%3A%2F%2Fwww.anandabazar.com%2Findia%2Fman-tried-to-kiss-cobra-but-it-bites-on-his-lips-dgtl%2Fcid%2F1374295
স্থানীয় সূত্রে খবৰ, ছিমোগা জিলাত জনবসতি থকা অঞ্চলত কোনো সাপ প্ৰাৱেশ কৰিলে এলেক্স আৰু ৰনি নামে দুই সাপ উদ্ধাৰকাৰীক মাতি অনা হয় । সাপ উদ্ধাৰৰ পাছত সেইবোৰক অৰণ্যত এৰি দিয়ে তেওঁলোকে । বুধবাৰে ভদ্রৱতীত এখন বিয়া ঘৰত সাপ সোমাই গৈছিল । তেতিয়া এলেক্সক মতা হয় । এলেক্সে ক’ব্ৰাটো উদ্ধাৰৰ পাছত কেমেৰাৰ সন্মুখত তাৰ মূৰত চুমা দিবলৈ গৈ বিপত্তিত পৰে ।
খোঁটাৰ পাছতো সাপটোক অৰণ্যত এৰি থৈ আহে এলেক্সে । তাৰ পাছত তেওঁক হাস্পাতালত ভর্তি কৰোৱা হয় । তেওঁক দুদিন পাছত হাস্পাতালৰ পৰা যাবলৈও দিয়া হয় । এলেক্স এতিয়া সম্পূৰ্ণ সুস্থ ।