স্থানীয় সময় মঙলবাৰে গভীৰ নিশা (তাৰিখ অনুযায়ী বুধবাৰ) জুইৰ শিখা আৰু বিস্ফোৰণৰ দৰে শব্দত কঁপি উঠিছিল দক্ষিণ কোৰিয়াৰ উপকূলৱর্তী চহৰ গেংনিউং । উত্তৰ কোৰিয়াক প্ৰত্যুত্তৰ দিবলৈ তৎপৰ হ’ল দক্ষিণ কোৰিয়া । নিজে নিক্ষেপ কৰা ক্ষেপণাস্ত্র গৈ পৰিল তেওঁলোকৰ দেশতেই ।
প্ৰযুক্তিগত সমস্যাৰ বাবে দক্ষিণ কোৰিয়াৰ বায়ুসেনাৰ ঘাটিতেই পৰে ক্ষেপণাস্ত্রটো । এই বায়ুসেনা ঘাটিটোৰ কাষতেই আছে গেংনিউং চহৰ । ক্ষেপণাস্ত্রটো পৰোতেই বিকট শব্দ হয় । জুইৰ শিখাও দেখা যায় ।
কিন্তু বিস্ফোৰণ ঘটা নাই । এই ঘটনাত কোনো আহত হোৱা নাই । অৱশ্যে আতংকিত হৈ পৰে চহৰৰ বাসিন্দাসকল । ইয়াৰ বাবে পাছত ক্ষমা বিচাৰে দক্ষিণ কোৰিয়াৰ সেনাবাহিনীয়ে ।
সংবাদ সংস্থা সূত্রে খবৰ, স্বল্প উজনৰ ‘হিউমু-২ বেলিষ্টিক’ ক্ষেপণাস্ত্রটো নিক্ষেপ কৰিবলৈ গৈ দক্ষিণ কোৰিয়াৰ বায়ুসেনাৰ ঘাটিতেই পৰে । এই ঘটনাৰ ভিডিঅ’ সমাজিক মাধ্যমত বিয়পি পৰাৰ পাছতেই দুর্ঘটনাৰ বিষয়টো লক্ষ্যত পৰে সেই দেশৰ সেনাৰ । কি কাৰণত এনে পৰিস্থিতি সৃষ্টি হ’ল, পৰ্যবেক্ষণ কৰা হৈছে বুলি দক্ষিণ কোৰিয়াৰ সেনাৰ তৰফৰ পৰা জনোৱা হৈছে ।
An explosion near Gangneung last night caused a social media storm in South Korea. Zero media reports or emergency alerts, raising suspicions of a cover up, a jet crash, or a missile launch.
It turns out it was the latter, gone very wrong.pic.twitter.com/AjT6dHPcYL
— Raphael Rashid (@koryodynasty) October 5, 2022
প্রসংগত, মঙলবাৰে জাপানৰ ওপৰেৰে হঠাৎ ক্ষেপণাস্ত্র নিক্ষেপ কৰে উত্তৰ কোৰিয়াই । তাৰ ২৪ ঘণ্টাৰ ভিতৰতেই ‘প্ৰতিশোধ’ ল’বলৈ উদ্যত হয় দক্ষিণ কোৰিয়া আৰু আমেৰিকা । কিমৰ দেশক প্ৰত্যুত্তৰ দিবলৈ যৌথভাৱে জাপান সাগৰত ক্ষেপণাস্ত্র শিক্ষেপ কৰিছে এই দুই দেশে ।
উত্তৰ কোৰিয়াৰ এই আচৰণক গৰিহণা দিছে জাপান, দক্ষিণ কোৰিয়া আৰু আমেৰিকাই । কিমক প্ৰত্যুত্তৰ দিবলৈ তেওঁলোকে ক্ষেপণাস্ত্রৰ পৰীক্ষা কৰিছে বুলি জনাইছে দক্ষিণ কোৰিয়াই ।
