Kerala High Court :
মাতৃ হ’ব বিচাৰে নে নিবিচাৰে এই ক্ষেত্ৰত কোনো মহিলাৰ সিদ্ধান্ত লোৱাৰ অধিকাৰৰ ওপৰত কোনো প্ৰতিবন্ধকতা আৰোপ কৰিব নোৱাৰিব। মহিলাগৰাকীয়ে মাতৃ হ’ব বিচাৰে নে নাই সিদ্ধান্ত লোৱাৰ তেওঁৰ সকলো অধিকাৰ আছে।
২৩ বছৰীয়া এগৰাকী কলেজীয়া ছাত্ৰীৰ গৰ্ভৱস্থাৰ ২৭ সপ্তাহত গৰ্ভপাতৰ আবেদনৰ ক্ষেত্ৰত একে ধৰণৰ ৰায় দিছে কেৰালা উচ্চ ন্যায়ালয়ে (Kerala High Court) ।
চিকিৎসা গৰ্ভপাত আইন অনুসৰি, গৰ্ভধাৰণৰ ২৭ সপ্তাহত গৰ্ভপাত কৰিব নোৱাৰি। আদালতৰ দ্বাৰা স্থাপিত এখন চিকিৎসা পৰিষদে এইটোও কয় যে এই সময়ছোৱাত গৰ্ভপাত কৰাটো ছোৱালীজনীৰ স্বাস্থ্যৰ বাবে ক্ষতিকাৰক।
কিন্তু ইয়াৰ স্বত্বেও, এম.বি.এ. যুৱতীগৰাকীয়ে জনাই যে তেওঁ এই সময়ত পঢ়িব বিচাৰে। গতিকে তেওঁ বিপদাশংকাটো ল’বলৈ ইচ্ছুক। ইয়াৰ পাছত, কেৰালা উচ্চ ন্যায়ালয়ৰ ন্যায়াধীশ ভি জি অৰুণে তেওঁক গৰ্ভপাত কৰিবলৈ অনুমতি দিয়ে।
যুৱতীগৰাকীৰ দাবী অনুসৰি, সহপাঠীসকলৰ স’তে যৌন সম্ভোগ কৰোঁতে গৰ্ভনিৰোধক ব্যৱহাৰ কৰা স্বত্বেও তাই গৰ্ভৱতী হয় । গৰ্ভনিৰোধক প্ৰতিৰোধ কৰাত ব্যৰ্থ হোৱাৰ বাবে তেওঁ আৰু মাতৃ হ’বলৈ ইচ্ছুক নহয়।
ছাত্ৰীগৰাকীৰ মতে, ২৫ অক্টোবৰত তেওঁ প্ৰথমে গৰ্ভৱতী হোৱাৰ বিষয়ে জানিব পাৰিছিল। পলিচিষ্টিক ডিম্বাশয়ৰ সমস্যাৰ বাবে অনিয়মীয়া ঋতুস্ৰাৱৰ বাবে, চিকিৎসকে তেওঁক আল্ট্ৰাচাউণ্ড পৰীক্ষা কৰিবলৈ কয়।
যুৱতগৰাকীয়ে তেতিয়া আদালতৰ কাষ চাপে। অৱশেষত, উচ্চ ন্যায়ালয়ে এই ৰায় প্ৰদান কৰে। ন্যায়াধীশে তেওঁৰ ৰায় প্ৰদান কৰাৰ সময়ত কয়”এগৰাকী মহিলাৰ মাতৃ হওক বা নহওক সিদ্ধান্তৰ ওপৰত কোনো প্ৰতিবন্ধকতা আৰোপ কৰিব নোৱাৰি,” ।
এই সন্দৰ্ভত তেওঁ উচ্চতম ন্যায়ালয়ত আগতে দাখিল কৰা গোচৰৰ বিষয়টোও উত্থাপন কৰে। একে সময়তে, তেওঁ কয় যে ই ভাৰতীয় সংবিধানৰ অনুচ্ছেদ ২১-ত উল্লেখ কৰা ব্যক্তিগত স্বাধীনতাৰ অধিকাৰ প্ৰকাশ কৰে।