Coronavirus Update :
কৰ’না ভাইৰাছক নিয়ন্ত্ৰণ কৰি দেশখন লাহে লাহে পূৰ্বৰ পৰিস্থিতিলৈ ঘূৰি আহিছে । ধাৰাবাহিকভাৱে নিম্নমুখী দেশৰ ক’ভিড গ্ৰাফ। বিশেষকৈ মঙলবাৰৰ পৰিসংখ্যাত, আশা ক্ৰমান্বয়ে উজ্জ্বল হৈ উঠিছে,অতি শীঘ্ৰেই দেশখন কৰ’না-মুক্ত হ’ব।
স্বাস্থ্য মন্ত্ৰালয়ৰ তথ্য অনুসৰি, যোৱা ২৪ ঘণ্টাত ৬২৫ জনলোক কৰ’নাত আক্ৰান্ত হৈছে । সোমবাৰে এই সংখ্যা আছিল ৯৩৭ । অৰ্থাৎ দৈনিক সংক্ৰমণৰ হাৰ যথেষ্ট হ্ৰাস পাইছে।
যোৱা ২৪ ঘণ্টাত দেশখনত কৰ’নাত কোনো লোক মৃত্যু হোৱা নাই। সক্ৰিয় আক্ৰান্তৰ সংখ্যাও হ্ৰাস পাইছে।
দেশৰ ক’ভিড পৰিসংখ্যালৈ লক্ষ্য কৰিলে দেখা যায় যে দেশত মুঠ কৰ’না ৰোগীৰ সংখ্যা হৈছে ৪,৪৬,৬২,১৪১ জন। ১৪ হেজাৰলৈ হ্ৰাস পাইছে সক্ৰিয় ৰোগীৰ সংখ্যা ।
ইফালে কৰ’না টিকাকৰণ কাৰ্যসূচী পূৰ্ণ গতিত চলি আছে। বিশেষজ্ঞসকলে এতিয়াও সাৱধানতা অৱলম্বন কৰিবলৈ পৰামৰ্শ দিয়ে। তেওঁলোকে সকলোকে মাস্ক পিন্ধিবলৈ, শাৰীৰিক দূৰত্ব বজাই ৰাখিবলৈ আৰু ৰাজহুৱা সমাৱেশত চেনিটাইজাৰ ব্যৱহাৰ কৰিবলৈ পৰামৰ্শ দিয়ে।