Guwahti firing:
মহানগৰীৰ মাজমজিয়াত দিন দুপৰতে গুলীচালনাৰ ঘটনা ৷ দুৰ্বৃত্তৰ নিৰ্বিচাৰ গুলীচালনাত থিতাতে নিহত এজন ব্যৱসায়ী ৷
ডিঙিত গুলীয়ে আঘাত কৰাৰ পিচতে ব্যক্তিজন তেজেৰে তুমৰলি হৈ পথতে বাগৰি কৰে৷ পিচতে স্থানীয় লোকে ততাতৈয়াকৈ গুৱাহাটী চিকিৎসা মহাবিদ্যালয় হাস্পতাললৈ নিয়া হৈছিল যদিও চিকিৎসকে মৃত ঘোষণা কৰে ৷
আনহাতে দুৰ্বৃত্তই ৰঞ্জিত বৰাক গুলী কৰিয়ে তেওঁৰ লগত থকা টকা ভৰ্তি বেগটো লৈ উধাও হয় ৷ বেগটোত আছিল ২.৫০ লাখ টকা ৷ কাহিলীপাৰাৰ বাসিন্দা ৰঞ্জিত বৰা আজি দুপৰীয়া পাঞ্জাবাৰীৰ আই চি আই চি আই বেংকত ধন জমা কৰিবলৈ আহিছিল ৷
আনহাতে মহানগৰ আৰক্ষীৰ সূত্ৰ এটিৰ পৰা জানিব পৰা মতে আৰক্ষীয়ে দুৰ্বৃত্তৰ শুংসূত্ৰ পাইছে ৷ তদন্তৰ খাতিৰত অধিক তথ্য সদৰি কৰাৰ পৰা বিৰত আছে ৷
নম্ৰ- ভদ্ৰ আৰু অমায়িক ৰঞ্জিত বৰা নামৰ পূৰবী ডেইৰিৰ বিতৰক জনক দিনৰ পোহৰতে দুৰ্বৃত্তই গুলীয়াই হত্যা কৰা কাৰ্যক গৰজি উঠিছে পূৰবী ডেইৰীৰ বিষয়া- কৰ্মচাৰী ৷