Jorhat:
অৱশেষত আৰক্ষী জালত পৰিল যোৰহাটৰ তিনি অভিযান্ত্ৰিক শিক্ষাৰ্থী আক্ৰমণ ঘটনাৰ মূল অভিযুক্ত৷ ধৃত ছাত্র আক্ৰমণকাৰীজনৰ নাম সিদ্ধাৰ্থ বৰা। ঘৰ যোৰহাটৰ গোহাঁইটেকেলাত।
উল্লেখ্য যে মঙলবাৰে সন্ধিয়া যোৰহাটৰ সদাব্যস্ত ৰাজপথত যোৰহাট বিজ্ঞান আৰু প্ৰযুক্তিবিদ্যা প্ৰতিষ্ঠানৰ তিনি শিক্ষাৰ্থীক ছুৰীৰে আক্ৰমণ কৰিছিল সিদ্ধাৰ্থই ।
এই ঘটনাত গুৰুত্বৰভাৱে আহত তিনি শিক্ষাৰ্থীক ততাতৈয়াকৈ যোৰহাট চিকিৎসা মহাবিদ্যালয় হাস্পতালত ভৰ্তি কৰা হয় ৷
এই ঘটনাৰ পিছতে যোৰহাটৰ সৰ্বত্ৰে তীব্ৰ প্ৰতিক্ৰিয়াৰ সৃষ্টি হয় ৷দোষীক কৰায়ত্ব কৰাৰ দাবীত যোৰহাট ছাত্ৰ সন্থা সহ বহু কেইটা সংগঠনে সোচ্ছাৰ হৈ পৰিছিল ৷ এই ঘটনাই যোৰহাটত তীব্ৰ চাঞ্চল্যৰ সৃষ্টি কৰিছে।