Islamabad Fire :
বুধবাৰে নিশা পাকিস্তানৰ ৰাজধানী ইছলামাবাদৰ জনবহুল বজাৰত ভয়ংকৰ অগ্নিকাণ্ড সংঘটিত হয় । জুইত প্ৰায় ৩০০ খন দোকান ভস্মীভূত হৈছে ।
অৱশ্যে, এতিয়ালৈকে কোনো লোক হতাহত হোৱাৰ খবৰ পোৱা হোৱা নাই। দহটা অগ্নি নিৰ্বাপক ইঞ্জিনে কেবা ঘণ্টাও প্ৰচেষ্টাৰ পাছত জুই নিয়ন্ত্ৰণলৈ আনে।
ভাৰতীয় বায়ু সেনাৰ এখন বিশেষ হেলিকপ্টাৰে ওপৰৰ পৰা পানী পেলাই অগ্নি নিৰ্বাপক বাহিনীক সহায় কৰে।
স্থানীয় প্ৰশাসনৰ সূত্ৰ অনুসৰি, বজাৰৰ সাত নম্বৰ গেটৰ ওচৰৰ এখন দোকানত জুই লাগে। তাৰ পৰা, জুই গোটেই বজাৰত বিয়পি পৰে ।
আৰক্ষীয়ে সন্দেহ কৰিছে যে জুই এটা শ্বৰ্ট চাৰ্কিটৰ ফলত হৈছে । পাকিস্তানী সংবাদ মাধ্যমৰ মতে, পুৰণি কাপোৰ আৰু কাৰ্পেট বিক্ৰী কৰাৰ বাবে এই বজাৰৰ সুনাম আছে। স্থানীয় লোকে ইয়াক ‘দেওবৰীয়া বজাৰ’ বুলিও কয় ।
পাকিস্তানৰ অভ্যন্তৰীণ মন্ত্ৰী ৰাণা ছানাউল্লাহ খানে ঘটনাটোৰ ওপৰত জিলা প্ৰশাসনৰ পৰা সম্পূৰ্ণ প্ৰতিবেদন বিচাৰিছে আৰু বিষয়াসকলক উদ্ধাৰ অভিযানত তদাৰক কৰিবলৈ কৈছে ।
জুইলগাৰ খবৰ পোৱাৰ পাছত, আৰক্ষীয়ে বজাৰলৈ যোৱা সকলো পথ বন্ধ কৰি দিয়ে। শ্ৰীনগৰ ঘাইপথ, বজাৰলৈ যোৱা মুখ্য পথ, অগ্নি নিৰ্বাপক বাহিনীৰ বাহনবোৰ ঘটনাস্থলীলৈ লৈ যোৱাৰ বাবে খালি কৰা হৈছিল।
অৱশ্যে, এই বজাৰত এইয়াই প্ৰথম নহয় ইয়াৰ আগতেও অগ্নিসংযোগ হয় এই বজাৰত । স্থানীয় বাসিন্দাসকলৰ জনোৱা অনুসৰি বজাৰখনত প্ৰায় কোনো অগ্নি নিৰ্বাপক ব্যৱস্থা নাছিল।
