Distribution Of Financial Assitance:
ক’ভিডৰ প্ৰাদুৰ্ভাৱৰ ফলত আৰ্থিক সংকটৰ সন্মুখীন হোৱা পুৰোহিত আৰু নামঘৰীয়াসকলক আৰ্থিক সকাহ দিয়াৰ বাবে আজি ৰাজ্য চৰকাৰে বিতৰণ কৰে আৰ্থিক সাহায্য ৷
এই উপলক্ষে আয়োজিত সভাখনত উপস্থিত থাকি মুখ্যমন্ত্ৰী শৰ্মাই কয়,আমাৰ আধ্যাত্মিক জীৱনধাৰা শক্তিশালীকৰণৰ দিশত পুৰোহিত আৰু নামঘৰীয়াসকলে যি বৰঙণি যোগাই আহিছে তাৰ জৰিয়তে সনাতন ধৰ্মই এক বিশেষ মাত্ৰা লাভ কৰিবলৈ সক্ষম হৈছে ৷
ৰাজ্য চৰকাৰৰ সাংস্কৃতিক পৰিক্ৰমা বিভাগৰ উদ্যোগত ক’ভিডৰ প্ৰাদুৰ্ভাৱৰ ফলত আৰ্থিক সংকটৰ সন্মুখীন হোৱা পুৰোহিত আৰু নামঘৰীয়াৰ বাবে মুঠ আবেদনকাৰীৰ সংখ্যা ৯,৯৮৭গৰাকীৰ পৰা ৬,১২৪গৰাকীক বাছনি কৰা হয় ৷
আনহাতে পুৰোহিতৰ মুঠ আবেদনকাৰী ৫,৯৩৩গৰাকীৰ ভিতৰত ২,৪৩৮গৰাকীক বাছনি কৰা হয় বুলি উল্লেখ কৰে ৷
অনুষ্ঠানত কেবিনেট মন্ত্ৰী ৰণজিৎ কুমাৰ দাস, বিমল বড়া, যোগেন মহন, বিধায়ক ড° পৰমানন্দ ৰাজবংশী, বিদ্যাছিং ইংলেঙকে ধৰি সাংস্কৃতিক পৰিক্ৰমা বিভাগৰ সচিব লয়া মাদুৰী সহ উচ্চপদস্থ বিষয়াবৰ্গ আৰু বিশিষ্ট ব্যক্তিসকল উপস্থিত থাকে।