Guwahti Traffic Dcp Strictly Warns:
সমাগত ৩১ ডিচেম্বৰ আৰু এক জানুৱাৰীৰ প্ৰতি লক্ষ্য ৰাখি গুৱাহাটী মহানগৰ আৰক্ষীয়ে যান – বাহন চালকৰ বাবে বলবৎ কৰিছে কেতবোৰ নীতি- নিয়ম ৷
দহটা নিয়ম ভংগ কৰা সকলে সন্মুখিব হ’ব লাগিব আৰক্ষীৰ কঠোৰ শাস্তিৰ ৷
মহানগৰ আৰক্ষীৰ ডি চি পি হিৰণ্য কুমাৰ বৰ্মনে আজি এক সংবাদমেলযোগে সদৰি কৰে নতুন নিয়মাৱলী :
মহানগৰীৰ ৰাজপথত অনুজ্ঞাপত্ৰবিহীনভাৱে চলাব নোৱাৰিব যানবাহন ৷
সুৰামত্ত হৈ চলাব নোৱাৰিব যানবাহন। একেদৰে পিকনিক স্পটৰ পৰা আহোতেও খাই আহিব নোৱাৰিব সুৰাপান ৷
যানবাহন চলোৱা সময়ত ব্যৱহাৰ কৰিব নোৱাৰিব ম’বাইল ৷
আনহাতে বাৰ, ক্লাৱ,ৰেষ্টুৰেণ্ট,শ্বপিং মল আৰু পাকিং এৰিয়াত চিচিটিভি কেমেৰা লগোৱা বাঞ্ছনীয় ৷ একেদৰে থাকিব লাগিব পৰ্যাপ্ত পোহৰৰ ৷
নৈশভাগত চলোৱা বাহত সমূহত থাকিব লাগিব প্ৰয়োজনীয় লাইট ৷
বনভোজস্থলীত সুৰাপান কিনা-বেচাত নিষেধাজ্ঞাৰ লগতে সুৰাপানটো বাধাৰোপ ৷
কোনো এট পৰিয়ালে এখন বাহনৰ বিপৰীতে দুই -তিনিখন বাহন ব্যৱহাৰ কৰাব নোৱাৰিব ৷
নিৰ্ধাৰিত কৰি দিয়াৰ পথৰ বিপৰীতে আন পথত গাড়ী চলোৱাত বাধাৰোপ ৷ অন্যৰ্থাই ভৰিব লাগিব
জৰিমনাৰ ৷
কোনো আৰক্ষীয়ে নাগৰিকক বেয়া ব্যৱহাৰ কৰিলে তৎক্ষণাত অভিযোগ দিয়ক সংশ্লিষ্ট আৰক্ষী নিৱেশ বা যানবাহন আৰক্ষীৰ উপায়ুক্তক ৷
উল্লিখিত দিনকেইটাত শান্তি শৃংখলা বজাই ৰাখিবলৈ আহ্বান মহানগৰ যানবাহন আৰক্ষীৰ ৷
সংবাদমেলত মহানগৰ যানবাহন আৰক্ষীৰ উপায়ুক্ত(ডি চি পি) হিৰণ্য কুমাৰ বৰ্মনে উল্লেখ কৰে যে চলিত ডিচেম্বৰ মাহৰ ২০ ৰ পৰা ২৮ লৈ সুৰাপান কৰা গাড়ী চলোৱা ৩৭৫ জনক জৰিমনা বিহিছে আৰক্ষীয়ে ৷ এনেলোকৰ বিৰুদ্ধে আৰক্ষীৰ অভিযান অব্যাহত থাকিব ৷