Cm Meeting In Janata Bhawan:
মুখ্যমন্ত্ৰী ড°হিমন্ত বিশ্ব শৰ্মাই শুক্ৰবাৰে জনতা ভৱনত এখন বৈঠকত মিলিত হয় মন্ত্ৰী আৰু মুখ্য সচিব সহ জ্যেষ্ঠ বিষয়াবৰ্গৰে ৷
আনহাতে বৈঠকৰ ৰূপৰেখা দাঙি ধৰে মুখ্য সচিব পৱন কুমাৰ কুমাৰ বৰঠাকুৰে ৷ উল্লেখ্য যে নতুন দিল্লীত মুখ্য সচিবৰ সন্মিলনত বিশেষকৈ বিকাশ আৰু চাকৰি সৃষ্টিৰ লগতে সৰ্বাংগীণ মানৱ উন্নয়নক বিশেষ গুৰুত্ব প্ৰদান কৰা হৈছিল।
জনতা ভৱনৰ বৈঠকত মুখ্যমন্ত্ৰী গৰাকীয়ে প্ৰধানমন্ত্ৰীৰ নিৰ্দেশসমূহ সফলভাৱে কাৰ্যকৰী হোৱাটো নিশ্চিত কৰিবলৈ বিভাগীয় মন্ত্ৰীসকলক নিৰ্দেশনা প্ৰদান কৰে আৰু কাৰ্যকৰী কৰাৰ ক্ষেত্ৰত অসমে সৰ্বাধিক সফলতা লাভ কৰা বিষয়টো নিশ্চিত কৰিবলৈ ৰূপৰেখা প্ৰস্তুত কৰিবলৈ নিৰ্দেশনা প্ৰদান কৰে।