Pathaan :
চাৰি বছৰৰ পাছত চিত্ৰগৃহত ২৫ জানুৱাৰীত মুক্তিলাভ কৰিব বলিউডৰ মহাতাৰকা অভিনেতা শ্বাহৰুখ খানৰ বহু প্রতীক্ষিত চলচ্চিত্র ‘পঠান’-এ।
মুক্তিৰ পূৰ্বেই শ্বাহৰুখ এইখন ছবিয়ে অগ্রিম টিকট বিক্ৰীৰ ক্ষেত্ৰত বলিউডত নতুন অভিলেখ ৰচিলে। অগ্রিম।টিকট বিক্ৰীৰ ক্ষেত্ৰত ‘বাহুবলী ২’ ছবিয়ে পূর্বে ৰচনা কৰা অভিলেখ ভংগ কৰিলে ‘পঠান এ।
প্রকাশিত বাতৰি অনুসৰি, বৰ্তমানলৈকে বলিউডত মুক্তিলাভ কৰা ছবিৰ ক্ষেত্ৰত অগ্রিম টিকট বিক্ৰীৰ ক্ষেত্ৰত নতুন অভিলেখ ৰচিলে শ্বাহৰুখৰ ‘পঠান’-এ।
বক্স অফিচৰ পৰিসংখ্যা অনুসৰি, ‘পঠান’ৰ বৰ্তমানলৈকে ৬.৬১ লাখ অগ্রিম টিকট বিক্ৰী হ’ল। পঠানৰ পূৰ্বে বলিউডত মুক্তিৰ পূৰ্বে সর্বাধিক অগ্রিম টিকট বিক্ৰীৰ অভিলেখ ‘বাহুবলী-২’ৰ আছিল আৰু এইখন ছবিৰ মুঠ ৬.৫০ লাখ অগ্রিম টিকট বিক্ৰী হৈছিল।
অগ্রিম টিকট বিক্ৰীৰ এই অভিলেখৰ প্ৰতি লক্ষ্য ৰাখি চলচ্চিত্র বাণিজ্যিক বিশ্লেষকে কয় যে শ্বাহৰুখৰ ‘পঠান’ ছবিখনে বক্স অফিচত ব্যৱসায়ৰ ক্ষেত্ৰত নতুন অভিলেখ ৰচাৰ সম্ভাৱনা আছে।
ছবিখনৰ হিন্দীৰ লগতে তামিল, তেলেগু সংস্কৰণৰো অগ্রিম টিকট বিক্রী যথেষ্ট সন্তোষজনক হৈছে।