Russia – Ukraine War :
১১ মাহ ধৰি চলি থকা ৰাছিয়াৰ আক্ৰমণত ইউক্ৰেইনত ১৮ হাজাৰৰো অধিক সাধাৰণ নাগৰিকৰ হতাহত হৈছে। ইয়াৰ ভিতৰত কমেও ৭,০৩১জন লোকৰ মৃত্যু হয়।
মঙলবাৰে প্ৰকাশিত ৰাষ্ট্ৰসংঘৰ মানৱ অধিকাৰ আয়োগৰ প্ৰতিবেদনত এই তথ্য পোহৰলৈ আহিছে।
মঙলবাৰে ইউক্ৰেইনত ৰাছিয়াৰ আক্ৰমণৰ ১১ মাহ সম্পূৰ্ণ হৈছে । ৰাষ্ট্ৰসংঘৰ মানৱ অধিকাৰ আয়োগৰ কাৰ্যালয়ৰ জনাইছে , প্ৰতিবেদনখনে এতিয়ালৈকে মাৰিয়পোল (ডনেটস্ক অঞ্চল), ইজিয়ম (খাৰকিভ অঞ্চল), লিচিচানস্ক, পুষ্পনা আৰু চিভিয়েৰোডনেটস্ক (লুহানস্ক অঞ্চল)ৰ পৰা সম্পূৰ্ণ তথ্য লাভ কৰা নাই।
সেই অঞ্চলবোৰৰ পৰা বহুতো অসামৰিক নাগৰিক হতাহত হোৱাৰ খবৰ পোৱা গৈছে। ফলস্বৰূপে, মুঠ হতাহতৰ সংখ্যা আৰু বৃদ্ধি হোৱাৰ সম্ভাৱনা আছে।
২৪ ফেব্ৰুৱাৰীত ৰাছিয়াৰ ৰাষ্ট্ৰপতি ভ্লাদিমিৰ পুটিনে ইউক্ৰেইনৰ বিৰুদ্ধে সামৰিক অভিযানৰ ঘোষণা কৰে।
তেতিয়াৰ পৰা, ৰাছিয়াৰ সামৰিক বাহিনীয়ে ৰাজধানী কিয়েভকে ধৰি ঘন বসতিপূৰ্ণ অঞ্চলত কেবাটাও বিমান আৰু মিছাইল আক্ৰমণ চলাই আহিছে।
ইয়াৰ উপৰিও, বুচা, মাৰিয়পোল, বৰোডিয়াঙ্কাকে ধৰি বিভিন্ন অঞ্চলত গণ কবৰত বহুতো মৃতদেহ পোৱা গৈছিল। পুটিনৰ বাহিনীৰ ওপৰতো গণহত্যাৰ অভিযোগ উত্থাপিত হৈছে।
দুমাহ আগতে আমেৰিকাৰ সেনাৰ জেনেৰেল মাৰ্ক মিলাৰীয়ে চোৰাংচোৱা সূত্ৰৰ উদ্ধৃতি দি দাবী কৰিছিল যে ২৪ ফেব্ৰুৱাৰীত আৰম্ভ হোৱা যুদ্ধত ৰাছিয়াৰ বাহিনীয়ে ৪০হেজাৰতকৈও অধিক সাধাৰণ ইউক্ৰেনীয়ক নাগৰিক মৃত্যু হৈছে ।