Satgaon Incident :
ফাগুনৰ শেষ দিনটোত মহানগৰীত আহিল এজাক মুষলধাৰ বৰষুণ ৷ দিনতে এন্ধাৰ হ’ল মহানগৰী৷ প্ৰচণ্ড বিজুলী-ঢেৰেকনিৰ মাজতে সাতগাঁওত সংঘটিত হয় এক শোকাৱহ ঘটনা ৷ ব্ৰজপাত পৰি মৃত্যু হ’ল কিশোৰীৰ।
ADVERTISEMENT
সাতগাঁৱৰ প্ৰগতি নগৰৰ উপ পথ নং ৫ ত সংঘটিত হয় মৰ্মান্তিক ঘটনাটো। প্ৰাপ্ত খবৰ অনুসৰি নিজৰ ঘৰৰ চোতালত বায়েকৰ লগত খেলি থাকোতে প্ৰচণ্ড বিজুলী-ঢেৰেকনি দিয়ে ৷ হঠাতে বজ্ৰ পৰি চোতালতে ঢলি পৰে মমতা বেগম ওৰফে ধুনু৷
ইয়াৰ পাছতে হুৱাদুৱা লাগে ৷স্থানীয়লোকে ততাতৈয়াকৈ কিশোৰীজনীক চিকিৎসালয়লৈ নিয়ে যদিও চিকিৎসকে মৃত ঘোষণা কৰে ৷
উল্লেখ্য যে,শোকাৱহ ঘটনাটি সংঘটিত হোৱাৰ সময়ত কিশোৰীৰ পিতৃ- মাতৃ দিন হাজিৰা কৰিবলৈ গৈছিল ৷ এঘাৰ বছৰীয়া কিশোৰী গৰাকীৰ মৃত্যুত সাতগাঁওৰ প্ৰগতি নগৰত গভীৰ শোকৰ ছাঁ পৰে ৷
