Assam Pradesh Mahila Congress PressMeet :
গৰু বিহুৰ দিনা অসমলৈ আহিব প্ৰধানমন্ত্ৰী নৰেন্দ্ৰ মোদী ৷ প্ৰধানমন্ত্ৰী মোদীৰ আগমনৰ প্ৰাক্ক্ষণত অসম প্ৰদেশ মহিলা কংগ্ৰেছৰ সভানেত্ৰী মীৰা বৰঠাকুৰ গোস্বামীয়ে আজি অসম প্ৰদেশ কংগ্ৰেছ কমিটিৰ কাৰ্যালয় ৰাজিৱ ভৱনত এক সংবাদমেল সম্বোধন কৰি প্ৰধানমন্ত্ৰী মোদীক উদ্থাপন কৰে ১৭টাকৈ প্ৰশ্ন ৷
ভাৰতৰ প্ৰধানমন্ত্ৰীক অসম ভ্ৰমনক স্বাগত্বম জনোৱাৰ সমান্তৰাল ভাবে কেইটামান প্ৰশ্ন সুধিব খুজি প্ৰধানমন্ত্ৰী গৰাকীয়ে ২০১৪ ত অসম বাসীক দিয়া প্ৰতিশ্ৰুতিৰ উত্তৰ বিচাৰি মহিলা কংগ্ৰেছৰ সভানেত্ৰী গৰাকীয়ে কয়,-
অসমৰ বিদেশী সমস্যাৰ সন্দৰ্ভত তেখেতে কৈছিল -১৬মেৰ পাছত সকলো বিদেশী টালি টোপোলা বান্ধি যাব লাগিব ৷ কিন্তু পৰৱৰ্তী সময়ত কা’ আনি সমস্যা স্থায়ীহে কৰিলে ৷
আনহাতে বানপানী সমস্যাক ৰাষ্ট্ৰীয় সমস্যা ঘোষণা কৰাতো বাদেই আপুনি যোৱা সময়চোৱাত এবাৰো বানপানীত ক্ষতিগ্ৰস্ত এলেকা প্ৰৰিভ্ৰমন কৰাতো দৃষ্টিগোচৰ নহল আৰু অন্য ৰাজ্যতকৈ অসমক মাহী আইৰ দৃষ্টিৰেহে চালে ! তদুপৰি বানপানী আৰু গৰাখহনীয়াৰ সমস্যা কেতিয়া সমাধান হব ?
অসমৰ আজি তাৰিখৰ আন এক জলন্ত সমস্যা হল সীমা সমস্যা ৷ মেঘালয় , অৰুনাচল, নাগালেণ্ড ,মিজোৰাম সকলোতে আমাৰ স্থানীয়লোকে অনিদ্ৰাত ৰাতি কটাব লগিয়া হয় আৰু আৰক্ষী জোৱানে প্ৰান দিব লগা হয় ? উত্তৰ আছেনে ? অসম চুক্তিৰ ৬নং দফা কিয় অগ্ৰাহ্য কৰা হল ?
ছয় জনগোস্ঠীৰ জনজাতিকৰণ কিয় কথা দি কথা নাৰাখিলে |উত্তৰ আছেনে ?এন আৰ চিক লৈ কিয় এটা শব্দও শুনিবলৈ নাপালো ?
একেদৰে বছৰি ২ কোটি চাকৰি কেন্দ্ৰত আৰু অসমৰ মুখ্যমন্ত্ৰী হিমন্ত বিশ্ব শৰ্মাই ৰাজ্যত ২৫ লাখ চাকৰি দিয়াৰ যি প্ৰতিশ্ৰুতি দিছিল , কিয় যুৱপ্ৰজন্মৰ ভৱিষ্যত সপোনক লৈ ফাকি দিলে | নে বছৰি ২ কোটি আৰু ২৫ লাখ চাকৰি দিলে উত্তৰ লাগে |
মূল্যবৃদ্ধি বৰ্তমান সকলোৰে বাবে এক জলন্ত সমস্যা ! মূল্যবৃদ্ধিৰ ওপৰত আপুনি টু শব্দটোও লোৱা দেখা নাই ? পেট্ৰল , ডিজেল , গেছ , মেডিচিন এইবোৰ বস্তুৰ দাম কমাব কেতিয়া পাৰিব | উত্তৰ লাগে |
বেটি বচাও বেটি পঢাও আচনিৰ নামত সৰ্বতে আভুৱা ভৰা হল কাৰণ প্ৰায় ৭ হাজাৰ স্কুল ৰাষ্ট্ৰীয় পৰ্যায়ত আৰু ৩ হাজাৰ স্কুল অসমত বন্ধ হবলৈ গৈ আছে , তেনে স্থলত আমাৰ সাধাৰণ খাটিখোৱা লোকৰ লৰা ছোৱালীয়ে কত পঢিব ? এই আচনি প্ৰহসনত পৰিনত নহলনে | উত্তৰ লাগে |
নাৰী সমৃদ্ধি , সুকন্যা , কোমল জীৱন এইবোৰ আচনিৰ বাবে অতি কষ্টোপাৰ্জিত সাধাৰণ জনতাৰ ধন কিয় আপুনি (LIC/SBI )আদানিক দি SBI আৰু LIC ক নিশকটীয়া কৰিলে উত্তৰ লাগে ?
অসমৰ পৰা ৰাইজৰ অজ্ঞাতে কিয় ১২ খন যাত্ৰীবাহী ট্ৰেইন বন্ধ কৰিলে ? A for Assam বুলি ডিঙিত গামোচা লৈ আৱেগ সৃষ্টি কৰি উন্নয়ণৰ পৰিবৰ্তে ২৭ খনকৈ টোলগেট দি অতিৰিক্ত মাচুলৰে অসমৰ জনতাক মাধমাৰ দিছে ?
এডভান্টজ আসামৰ নামত কিমান অসমলৈ বিনিয়োগ আহিল আৰু টুইন টাৱাৰ কত গল ?
স্মাৰ্ট চিটিৰ নামত অহা ৪০০ কোটি টকা স্মাৰ্ট চিটিৰ কাম নকৰি বেংকত জমা থৈ অসম চৰকাৰে সূদ খাই মুনাফা লৈছে , আপুনি কিয় নিমাত ?
আপোনাৰ আদৰ্শ গাওঁ আঁচনি প্ৰহসনত পৰিণত হল নিমাত কিয় ? অস্টলক্ষ্মী বুলি কৈ আপুনিহে অসমক লক্ষ্মী দিয়াৰ পৰিবৰ্তে অসমৰ তেল , গেছ , চাহ তলে তলে বহিৰাজ্যৰ বনিয়াক হস্তগত কৰি অসমক নিশকটীয়া কৰি ১ লাখ ৩২ হাজাৰ কোটিৰ ধাৰৰ বোজা দিলে আৰু ১০০ কোটি টকাৰে বিহু পাতিছে ৰাইজৰ টকাৰে আমি আপত্তি কৰা নাই কিন্তু জাগীৰোড , পাচগ্ৰাম কাগজ কল দুটা সক্ষম কিয় কৰিব নোৱাৰিলে ? উত্তৰ লাগে ?
তদুপৰি নাৰী সুৰক্ষাৰ ক্ষেত্ৰত আমি শংকিতৰ কাৰণ যিদিনা বিলকিছ বানুৰ বলৎকাৰীক ফুলৰ মালৰে আদৰি মন্চত আতিথ্য দিয়া গল তেতিয়াই বুজিলো কিমান ভাৰতত নাৰী সুৰক্ষিত ?
শেষত এটা প্ৰশ্ন নুসুধিলে আধৰুৱা হব দূৰ্নীতিৰ নামত শূন্য সহনশীল বুলি জাহিৰ কৰা আপোনাৰ কাৰ্যকালত আদানী , ললিত মোডী , মেহুল ভাই, লুই বাৰ্জাৰ , সাৰদা এইবোৰৰ ক্ষেত্ৰত নীৰৱ কিয় ? আদানিৰ ২০ হাজাৰ কোটিৰ তদন্তৰ ক্ষেত্ৰত JPC ৰ অনুমতি নিদিয়ে কিয় ?
বিশ্ব অভিলেখ সৃষ্টি কৰা বিহুৱতী আৰু বিহুৱা সকলক চৰকাৰী সংস্থাপন দিবলৈ চৰকাৰক দাবী জনায় অসম প্ৰদেশ মহিলা কংগ্ৰেছে ৷ সংবাদমেল খনত প্ৰদেশ কংগ্ৰেছৰ সামাজিক মাধ্যম আৰু তথ্য প্ৰযুক্তি বিভাগৰ অধ্যক্ষ ৰাতুল কলিতা সহ মহিলা নেত্ৰী উপস্থিত থাকে ৷
