Genius World Record In Bihu Dance:
অসমীয়া চহা জীৱনৰে সংপৃক্ত অনন্য সংস্কৃতি বিহু নৃত্যই আজি স্থাপন কৰিলে বিশ্ব অভিলেখ ৷ ১১,১০৪ গৰাকী ঢুলীয়া -নাচনীয়ে সৰুসজাই ষ্টেডিয়ামত বিহু নৃত্য আৰু ঢোল বাদনৰ দুটাকৈ বিশ্ব অভিলেখ স্থাপন কৰিবলৈ সক্ষম হয়।
মনকৰিবলগীয়া যে,একেলগে এঘাৰ হাজাৰৰো অধিক বিহুৱা-বিহুৱতীয়ে প্ৰদৰ্শন কৰিলে বিহু ৷ বিহুৰ নামত স্থাপন হ’ল দুটাকৈ বিশ্ব অভিলেখ।
গীনিজ কৰ্তৃপক্ষৰ উপস্থিতিত ঢোলবাদন আৰু বিহু নৃত্যৰ প্ৰদৰ্শনেৰে অভিলেখ স্থাপন হ’ল ৷ বিহুৰ অপূৰ্ব পৰিৱেশনেৰে উদুলি মুদুলি হৈ পৰিল সৰুসজাই
উল্লেখ্য যে,পূর্বে ১৪ এপ্রিলৰ গৰু বিহুৰ দিনাই প্রধানমন্ত্ৰী নৰেন্দ্ৰ মোদীৰ উপস্থিতিত বিশ্ব অভিলেখ স্থাপনৰ বাবে বিহু নৃত্য অনুষ্ঠিত হোৱাৰ কথা আছিল যদিও কাৰিকৰী কাৰণত এদিন পূর্বেই অৰ্থাৎ আজি সন্ধিয়াই বিশ্ব অভিলেখ স্থাপনৰ লক্ষ্যৰে প্ৰদৰ্শন কৰা হয় বিহু নৃত্য ৷