Nandra Talukder Foundation Website Opening In Janata Bhawan:
জনতা ভৱনস্থিত মুখ্যমন্ত্ৰীৰ সভাগৃহত বৃহস্পতিবাৰে অনুষ্ঠিত এক অনুষ্ঠানত মুখ্যমন্ত্ৰী ড° হিমন্ত বিশ্ব শৰ্মাই নন্দ তালুকদাৰ ফাউণ্ডেশ্যনৰ অধীনত ৰাজ্যৰ বৌদ্ধিক ক্ষেত্ৰখন সমৃদ্ধ কৰা গ্ৰন্থ-আলোচনীসমূহ সংৰক্ষণৰ হেতু প্ৰস্তুত কৰা www.assamarchive.org শীৰ্ষক ৱেবছাইট আনুষ্ঠানিকভাৱে উন্মোচন কৰে।
সম্পূৰ্ণ বিনামূলীয়া এই ৱেবছাইটৰ জৰিয়তে সকলো শ্ৰেণীৰ পাঠকৰ অধ্যয়নৰ বাবে নন্দ তালুকদাৰ ফাউণ্ডেশ্যনে অসম জাতীয় বিদ্যালয় শৈক্ষিক আৰু আৰ্থ-সামাজিক ন্যাসৰ সহযোগত যি পদক্ষেপ গ্ৰহণ কৰিছে সেয়া এক প্ৰশংসনীয় কৰ্ম বুলিঅভিহিত কৰে।
মুখ্যমন্ত্ৰীয়ে,অসমীয়া ভাষা-সাহিত্যিক ডিজিটেলি উপলব্ধ কৰাৰ বাবে নন্দ তালুকদাৰ ফাউণ্ডেশ্যনৰ সচিব তথা জ্যেষ্ঠ সাংবাদিক মৃণাল তালুকদাৰৰ এই পদক্ষেপে অসমীয়া সাহিত্য সম্ভাৰক সংৰক্ষিত কৰি জনসাধাৰণৰ বাবে এই সাহিত্যৰাজি সহজে উপলব্ধ কৰি অধ্যয়নৰ সুযোগ প্ৰদানৰ লগতে ডিজিটেল মাধ্যমত অসমীয়া সাহিত্য সম্ভাৰৰ উপলব্ধতাই ভৱিষ্যৎ প্ৰজন্মক অসমৰ বৌদ্ধিক জগতখনৰ চহকী ঐতিহ্যৰ সৈতে পৰিচিত কৰিব বুলিআশা প্ৰকাশ কৰিছে।
অনুষ্ঠানত জ্যেষ্ঠ সাংবাদিক মৃণাল তালুকদাৰ সহ ৰাজ্য চৰকাৰৰ কে’বা গৰাকী জ্যেষ্ঠ আমোলা-বিষয়া উপস্থিত থাকে ৷