Leopard Attack In Fatasil Ambari:
ক্ৰমাৎ যেন নাহৰফুটুকীৰ বিচৰণস্থলীত পৰিণত হৈছে মহানগৰীৰ কেতবোৰ অঞ্চল ৷ নাহৰফুটুকীৰ মুক্ত বিচৰণত আতংকিত হৈ পৰিছে বহু আবাসী ৷ শুক্ৰবাৰে পুৱাতে ফটাশিল- আমবাৰীৰ জি.এছ কলনীত এটা প্ৰকাণ্ড নাহৰফুটুকীয়ে সৃষ্টি কৰে সন্ত্ৰাস ৷ নাহৰফুটুকীটোৱে আক্ৰমণ কৰে দুজনকৈ লোকক ৷ সাৰি নগ’ল পোহনীয়া কুকুৰো ৷
উল্লেখ্য যে,নাহৰফুটুকীটোৱে ভক্ষণ কৰে এটি পোহনীয়া কুকুৰ ৷ এটা বাসগৃহৰ বাহিৰত বান্ধি থোৱা কুকুৰটোক আক্ৰমণ কৰি ভক্ষণ কৰে বাঘটোৱে ৷ এই দৃশ্য বন্দী হয় চি চি টি ভি কেমেৰাত ৷
নাহৰফুটুকীটোৰ সন্ত্ৰাসত অঞ্চলটোৰ লোকসকল ত্ৰস্তমান হৈছে আৰু বিৰাজ কৰিছে তীব্ৰ আতংকৰ । ইতিমধ্যে ঘটনাস্থলীত আৰক্ষী আৰু বন বিভাগৰ লোক উপস্থিতি হৈ পৰিস্থিতিৰ বুজ লয় ৷
উল্লেখ্য যে,বহুদিন ধৰি ফটাশিল – আমবাৰী অঞ্চলত নিশা হ’লে বিচৰণ কৰে নাহৰফুটুকীয়ে ৷ শেহতীয়াকৈ দিনতে নাহৰফুটুকীৰ উপস্থিতিয়ে ৰাইজক অধিক আতংকিত কৰি তুলিছে ৷