Theft Dies In Mob Attack :
মৰিগাঁৱৰ আঁহতগুৰিত গৰু চুৰি ঘটনা এটিক কেন্দ্র কৰি এক উত্তেজনাময় পৰিস্থিতিৰ সৃষ্টি হয় ৷ সোমবাৰে নিশা গৰু চুৰি কৰিবলৈ আহি ৰাইজৰ হাতত বন্দী হয় তিনিটা দুৰ্ধৰ্ষ গৰু চোৰ ৷
কলীয়া দাস নামৰ লোকজনৰ ঘৰৰ গোহালিত সোমাইছিল গৰু চোৰ দুটা ৷ ৰাইজৰ হাতত কৰায়ত্ত হোৱা চোৰ কেইটাক ৰাইজে উত্তম -মাধ্যম দি গতাই দিয়ে যদিও গণ প্ৰহাৰৰ গুৰুত্বভাবে আহত হোৱা ছাদ্দাম হুচেইন নামৰ চোৰটোক মৰিগাঁও অসামৰিক চিকিৎসালয়ত মৃত্যু হোৱাৰ বিপৰীতে বিল্লাল আলী, মিজাৰুল হক চিকিৎসাধীন হৈ আছে চিকিৎসালয়ত ৷
উল্লেখ্য যে,চোৰ কেইটাই চুৰি কাৰ্যত ব্যৱহ্ত দুখনকৈ বাহন ৰাইজে জ্বলাই দিয়ে ৷ আনহাতে ঘটনাস্থলীত উপস্থিত হৈ পৰিস্থিতি নিয়ন্ত্ৰণৰ চেষ্টা কৰা আৰক্ষীকো উত্তেজিত ৰাইজে আক্ৰমণ কৰাৰ লগতে আৰক্ষীৰ বাহন এখনো ক্ষতিসাধন কৰে ৷
সম্প্ৰতি অঞ্চলটোত অব্যাহত আছে চেপা উত্তেজনা ৷