Govt Employed Arrested In Bongaigaon:
উৎকোচ লৈ ইতিমধ্যে বহু সংখ্যক চৰকাৰী বিষয়া- কৰ্মচাৰী দুৰ্নীতি নিবাৰকৰ জালত পৰি হাত দঙাৰ পাছতে যেন শিকনি হোৱা নাই একাংশ ঘোচখোৰৰ ৷
মঙলবাৰে পুনৰ এজন চৰকাৰী কৰ্মচাৰীয়ে হাত দাঙিলে বঙাইগাঁৱত ৷ জিলা পৰিবহন বিষয়া কাৰ্যালয়ত দুৰ্নীতি নিবাৰকৰ এটা দলে অভিযান চলাই উৎকোচ লৈ থকা অৱস্থাতে হাতে-লোটে গ্ৰেপ্তাৰ কৰে কাৰ্যালয়ৰ জ্যেষ্ঠ সহায়ক সুভাষ দৈমাৰীক ৷
উল্লেখ্য যে,আটকাধীন দৈমাৰীয়ে এজন লোকৰ পৰা বাহন প্ৰদূষণ কেন্দ্ৰৰ কম্পিউটাৰ লিংকটো আন ব্লক কৰাৰ বাবদ দাবী কৰে পাঁচ হাজাৰ টকা ৷ সেই অনুসৰি আজি বিচৰা ধৰণে পাঁচ হেজাৰ টকা লোকজনৰ পৰা লওঁতেই হাতেলোটে আটক কৰে দুৰ্নীতি নিৰ্বাৰক শাখাৰ বিষয়াই৷
ইতিমধ্যে আটকাধীন সুভাষ দৈমাৰীক অধিক জেৰাৰ বাবে দুৰ্নীতি নিৰ্বাৰক শাখাৰ গুৱাহাটী কাৰ্যালয়লৈ অনাৰ প্ৰস্তুতি চলাইছে ৷