Guwahati Police Encounter:
মহানগৰীৰ স্মাৰ্ট আৰক্ষীক একপ্ৰকাৰ চেলেন্স দি অপৰাধীয়ে ইটোৰ পাছত সিটোকৈ অপৰাধমূলক কাৰ্যকলাপ অব্যাহত ৰখাৰ মাজতে গুৱাহাটী আৰক্ষীয়ে গভাইত চোৰক কৰে এনকাউণ্টাৰ ৷
আৰক্ষীৰ গুলীত আহত হৈছে দুই দুৰ্ধৰ্ষ চোৰ। গুলীবিদ্ধ হোৱা চোৰ দুটা হ’ল অভিজিৎ ৰাভা আকু মহিবুল হক ৷ ভৰিত গুলীবিদ্ধ হোৱা দুই চোৰক ইতিমধ্যে আৰক্ষীয়ে জি এম চি এইছত ভৰ্তি কৰিছে ৷
উল্লেখ্য যে,গভাইত চোৰ দুটাই মহানগৰীৰ বহু কেইটা ম’বাইল চুৰি কাৰ্যৰে জড়িত থকাৰ অভিযোগ উদ্থাপিত হৈছিল ৷
প্ৰাপ্ত তথ্য মতে ,ম’বাইল চুৰি কাৰ্যৰে জড়িত থকা অভিযোগত গুৱাহাটী আৰক্ষীয়ে দক্ষিণ শালমাৰাৰ আটক কৰিছিল চাৰিটা গভাইত চোৰক।
কিন্ত আটকাধীন চাৰি চোৰৰে মহিবুল হক বিৰুবাৰীত আৰক্ষী জিন্মাৰ পৰা পলাবলৈ লওঁতেই আৰক্ষীয়ে চোৰটোৰ ভৰিলৈ লক্ষ্য কৰি গুলীচালনা কৰে ৷ ফলত গুলীবিদ্ধ হয় চোৰটো ৷
আনহাতে অনুৰূপ ঘটনা সংঘটিত হয় পানীখাইটিত ৷ আটকাধীন অভিজিৎ ৰাভা নামৰ চোৰটো আৰক্ষীৰ হাতৰ পৰা পলায়ন কৰোতেই আৰক্ষীয়ে গুলীচালনা কৰাত আহত হয় চোৰটো ৷ আৰক্ষীয়ে জি এম চি এইছত ভৰ্তি কৰিছে আহত গভাইত চোৰটোক ৷