Silchar Nit Incident:
এজন ছাত্রৰ চৰমপন্থাক কেন্দ্র কৰি শুক্ৰবাৰে নিশা শিলচৰ এন আই টিত এক উত্তপ্ত পৰিস্থিতিৰ সৃষ্টি কৰে কে’বা শতাধিক শিক্ষাৰ্থীয়ে ৷
ক্ষুব্ধ শিক্ষাৰ্থীয়ে ঘেৰাও কৰিলে এন আই টিৰ ডীন বিনয়কৃষ্ণ ৰয়ৰ বাসগৃহ।
আনকি উত্তেজিত শিক্ষাৰ্থীয়ে ডীন গৰাকী আৰু তেওঁৰ পৰিয়ালক চৰকাৰী বাসগৃহত আৱদ্ধ কৰি লণ্ড-ভণ্ড কৰে বাহন ৷
ইয়াৰ পাছতে পৰিস্থিতি বেয়াৰ পিনে গতি কৰে ৷ একাংশ শিক্ষাৰ্থীয়ে আৰক্ষীলৈ লক্ষ্য কৰি শিলগুটি নিক্ষেপ কৰে ৷ আৰক্ষী আৰু শিক্ষাৰ্থী মাজত সৃষ্টি হোৱা হতাহতিৰ ফলত কে’বাজনো আৰক্ষী আৰু শিক্ষাৰ্থী আহত হয় ৷
ইপিনে ঘটনাস্থলীত কাছাৰ আৰক্ষী অধীক্ষক ঘটনাস্থলীত উপস্থিত হৈ পৰিস্থিতিৰ নিয়ন্ত্ৰণৰ বাবে চেষ্টা চলায় যদিও পুনৰ উত্তেজিত শিক্ষাৰ্থী ভাঙি লণ্ড-ভণ্ড কৰে কে’বা খনো বাহন ৷
আনহাতে প্ৰতিষ্ঠান খনত সংঘটিত এই অনাকাংক্ষিত ঘটনাৰ প্ৰতি লক্ষ্য ৰাখি এন আই টিৰ কৰ্তৃপক্ষই তৎকালীনভাৱে কাৰ্যকৰী হোৱাোকৈ অনিৰ্দিষ্টকাললৈ প্রতিষ্ঠানখন বন্ধৰ ঘোষণা কৰে ৷ বৰ্তমানেও চেপা উত্তেজনা অব্যাহত আছে এন আই টি চৌহদত ৷