Delhi Robbery:
দিল্লীত এক চাঞ্চল্যকৰ চুৰিকাণ্ড সংঘটিত হ’ল। দেশৰ ৰাষ্ট্ৰীয় ৰাজধানীৰ জংগপুৰাত থকা এখন অলংকাৰৰ শ্ব’ৰূমত চোৰে মুধচ ভাঙি কে’বা কোটি টকাৰ আ-অলংকাৰ লুট কৰিলে। উক্ত শ্ব’ৰূমৰ স্বত্বাধিকাৰীয়ে দাবী কৰা অনুসৰি, বিপণীখনত থকা ২০ৰ পৰা ২৫ কোটি টকা মূল্যৰ হীৰা আৰু সোণৰ আ-অলংকাৰ চুৰি হ’ল।
স্বত্বাধিকাৰীজনে কয় যে নিশা বিপণী বন্ধ কৰালৈকে কোনো সন্দেহজনক ঘটনা সংঘটিত হোৱা নাছিল। মঙলবাৰে উক্ত বিপণীখন বন্ধ আছিল আৰু আজি পুৱা বিপণী খুলিবলৈ আহি স্বত্বাধিকাৰীজন অবাক হৈছিল ৷
বিপণীৰ স্বত্বাধিকাৰী ওমৰাও সিং আৰু মহাবীৰ প্ৰসাদ জৈনৰ অভিযোগৰ ভিত্তিত আৰক্ষীয়ে ইতিমধ্যে চুৰিকাণ্ডৰ তদন্ত আৰম্ভ কৰিছে যদিও চোৰৰ সন্ধান উলিয়াব পৰা নাই । চোৰে বিপণীখনৰ মুধচ চোকা সঁজুলিৰে কাটি উক্ত বিপণীত প্ৰৱেশ কৰিছিল। চিচিটিভিৰ ফুটেজ অৱশ্যে আৰক্ষীয়ে ৰাজহুৱা কৰা নাই।