Bomb scare in Samguri:
নগাঁৱৰ চামগুৰিত বোমাতংক ৷ নামা-পাঘালি নামৰ অঞ্চলটোৰ পথৰ দাঁতিত উদ্ধাৰ হোৱা আঠটাকৈ বোমা সদৃশ গোলাক লৈ সৃষ্টি হয় তীব্ৰ আতংক ৷
চামগুৰি আৰক্ষীয়ে অতি তৎপৰতাৰে উদ্ধাৰ কৰে গোলাকেইটা। ইতিমধ্যে আৰক্ষীয়ে চলোৱা প্ৰাৰম্ভিক তদন্ত নিশ্চিত হয় যে উদ্ধাৰ হোৱা গোলাকেইটা হস্তনির্মিত বোমা ৷
অৱশ্যে বোমা বিশেষজ্ঞৰ দলে পৰীক্ষা কৰি নিশ্চিত কৰিব প্ৰকৃতে গোলা কেইটাৰ ৰহস্য ৷ বৰ্তমান সুৰক্ষিতভাৱে বোমা কেইটা ৰাখিছে আৰক্ষীয়ে ৷
কোনে কি কাৰণে ৰাজপথৰ দাঁতিত এইদৰে বোমা সদৃশ গোলা কেইটা পেলাই থৈ গ’ল এই সন্দৰ্ভত চামগুৰি আৰক্ষীয়ে নিজাববীয়াকৈ গোচৰ ৰজু কৰি আৰম্ভ কৰিছে তদন্ত ৷