Flat Sale :
উত্তৰ -পূবৰ দুৱাৰমুখ গুৱাহাটী মহানগৰীত এটা ফ্লেট কিনাটো প্ৰতিজন লোকৰে এটা সপোন ৷ এনে সপোন বাস্তৱায়িত কৰিবৰ বাবে ঋণ লৈ নিজৰ কষ্টোপাৰ্জিত ধনৰে ফ্লেট কিনিবলৈ গৈ ধুৰন্ধৰ বিল্ডাৰৰ প্ৰতাৰণাৰ বলি হৈছে ১৫ টা ভুক্তভোগী পৰিয়াল ৷
প্ৰাপ্ত তথ্য অনুসৰি,মহানগৰীৰ জাপৰিগোগ অঞ্চলত কে চিক্স কনষ্ট্ৰাকশ্বনৰ স্বতাধিকাৰ ৰাজ বৰুৱা নামৰ বিল্ডাৰ জনে নিৰ্মাণ কৰিবলগীয়া এপাৰ্টমেণ্টৰ ১৫ ফ্লেট কিনাৰ উদ্দেশ্যৰে ১৫ টা পৰিয়ালৰ নিয়ম অনুসৰি চুক্তিবদ্ধ হয় বিগত ২০১৭-১৮বৰ্ষত ৷
আনহাতে চুক্তিপত্ৰ উল্লেখ থকা অনুসৰি তিনিবছৰৰ ভিতৰত নিৰ্মাণ সম্পূৰ্ণ কৰি ফ্লেট সমূহ চমজাই দিব পৰিয়াল কেইটাক ৷ কিন্ত আজি ছবছৰ দিন অতিক্ৰম কৰাৰ পাছতো এপাৰ্টমেণ্টটো সম্পূৰ্ণ হৈ নুথিল ৷ ৭০ শতাংশ কাম কৰিয়ে অৰ্ধনিৰ্মিত কৰি ৰাখিছে বিল্ডাৰ ৰাজ বৰুৱাই ৷
আনহাতে ভুক্তভোগী পৰিয়াল কেইটাই ফ্লেটৰ নিৰ্ধাৰিত ধনৰ ৮০ শতাংশ দিয়াৰ পাছতো নিৰ্মাণৰ অগ্ৰগতি সন্দৰ্ভত বিল্ডাৰজনলৈ পৰিয়াল কেইটাই ফোন কৰিলেই ফোন ৰিচিভ নকৰে ৷ কেতিয়াবা ধৰিলেও ওলোতাই ভয় ভাবুকি দিয়াৰহে অভিযোগ উদ্থাপিত হৈছে ৷
মনকৰিবলগীয়া যে,কে চিক্স কনষ্ট্ৰাকশ্বনৰ স্বতাধিকাৰ ৰাজ বৰুৱা নামৰ বিল্ডাৰ জনৰ বিৰুদ্ধে উদ্থাপিত আন এক অভিযোগ হ’ল এই একেইখিনি ফ্লেট দিয়াৰ নামত আন বহুতৰে পৰা আগধন হিচাপে লৈছে ৩০ লক্ষাধিক টকা ৷
বেংকৰ পৰা ঋণ লৈ ফ্লেট ল’ব বিছৰা পৰিয়াল কেইটাই প্ৰৱঞ্চকৰূপি বিল্ডাৰজনৰ শেহতীয়া ৰহস্যজনকস্থিতি লৈ মুৰে কপালে হাত দিছে ৷ এনে প্ৰেক্ষাপটত ভুক্তভোগী পৰিয়াল কেইটাই ঠকবাজ বিল্ডাৰজনৰ বিৰুদ্ধে আৰক্ষী আৰু RERA ৰ কাষ চপাৰ সিদ্ধান্ত লৈছে ৷