Rape Case In Birubari:
মহানগৰীত পুনৰ সংঘটিত জঘন্য ধৰ্ষণ কাণ্ড ৷ সদ্য সমাপ্ত দুৰ্গা পূজাৰ আনন্দ উলাহৰ মাজতে দলবদ্ধ ধৰ্ষণৰ বলী এগৰাকী দহ বছৰীয়া কিশোৰী ৷
ইতিমধ্যে ধৰ্ষিতা কিশোৰী গৰাকীৰ পৰিয়ালে আৰক্ষী চকীত গোচৰ দিয়াৰ পাছতহে এই নিকৃষ্ট ঘটনা পোহৰলৈ আহে ৷
মহানগৰীৰ বিৰুবাৰীত সংঘটিত হোৱা জঘন্য কাণ্ড সন্দৰ্ভত ভুক্তভোগী কিশোৰী গৰাকীৰ পৰিয়ালে বিৰুবাৰী আৰক্ষী চকীত ধৰ্ষণৰ স’তে জড়িত অভিযুক্তৰ বিৰুদ্ধে ৰুজু কৰিছে গোচৰ ।
উল্লেখ্য যে, এজাহাৰত উল্লেখ কৰা মতে,এই ধৰ্ষণকাণ্ডৰ স’তে নয়ন বাঢ়ৈ নামৰ এজন যুৱক আৰু এটা কিশোৰ জড়িত আছে ৷ এজাহাৰৰ ভিত্তিত বিৰুবাৰী আৰক্ষীয়ে ক্ষীপতাৰে অভিযান চলাই বুধবাৰে দুই লম্পটক আটক কৰি অব্যাহত ৰাখে জেৰা ।
উল্লেখ্য যে, ভুক্তভোগী কিশোৰী গৰাকীৰ পৰিয়ালে এজাহাৰত উল্লেখ কৰা অনুসৰি কিশোৰী গৰাকী দেউতাকৰ স’তে মহানগৰীৰ বিৰুৱাৰী শংকৰপুৰৰ এটা ভাড়াঘৰত বাস কৰিছিল । আনহাতে যিটো ঘৰত পিতৃ- কন্যা ভাড়া কৰি আছিল ৷
সেই ভাড়াঘৰৰে মালিকৰ লম্পট পুত্ৰ আৰু তাৰ লগৰীয়া এজনৰ দ্বাৰা দীৰ্ঘদিন ধৰি ধৰ্ষণৰ বলি হৈ আছিল । দুয়ো লম্পটে পৃথকে পৃথকে কিশোৰী গৰাকীক যৌণ নিৰ্যাতন চলাই আহিছিল ৷
অৱশেষত দুৰ্গা পূজাৰ দশমীৰ দিনা ভুক্তভোগী কিশোৰী গৰাকীয়ে সমস্ত ঘটনাৱলী পিতৃ- মাতৃৰ আগত প্ৰকাশ কৰে ৷ লগে লগে কিশোৰী গৰাকীৰ পিতৃয়ে বিৰুবাৰী আৰক্ষী চকীত লম্পট যুৱক আৰু কিশোৰজনৰ বিৰুদ্ধে গোচৰ ৰজু কৰে ৷
আনহাতে বিৰুবাৰী আৰক্ষীয়ে লম্পটদ্বয়ৰ বিৰুদ্ধে পকচো’ আইনৰ অধীনত ৪/৮ আৰু ভাৰতীয় দণ্ডবিধিৰ অধীনতৰ ৪৬৯/২৩, ৪৪৮, ৩০৬, ৩৪ নং ধাৰাত গোচৰ ৰুজু কৰিছে ।
আনহাতে বুধবাৰে বিৰুবাৰী আৰক্ষীয়ে কিশোৰী গৰাকীয়ে ভাড়া থকা মালিকৰ পুত্ৰ নয়ন বাঢ়ৈক ঘৰৰ পৰা গ্ৰেপ্তাৰ কৰাৰ বিপৰীতে আনটো লম্পট কিশোৰক বিৰুৱাৰী শংকৰপুৰৰ ৰাজপথৰ পৰা আটক কৰে ৷ আটকাধীন কিশোৰজন মালিকৰ পুত্ৰ নয়ন বাঢ়ৈৰ আত্মীয় ৷