Veteran Actor Jayanta Das Hospitalized In Critical Condition:
জনপ্রিয় অভিনেতা জয়ন্ত দাস গুৰুতৰভাৱে অসুস্থ ৷ ইতিমধ্যে পৰিয়ালৰ লোকে শনিবাৰে সংকটজনক অৱস্থাত ভৰ্তি কৰে মহানগৰীৰ খ্ৰীষ্টানবস্তিৰ এপল’ হাস্পতালত ৷
বৰ্তমান এপল’ৰ আইচিইউত বিশেষজ্ঞ চিকিৎসকৰ তত্বাৱধানত থকা প্ৰৱীণ অভিনেতাগৰাকীৰ চিকিৎসাৰ বাবে প্ৰয়োজন হৈছে বহু পৰিমাণৰ তেজৰ ৷
প্ৰয়োজনীয় তেজৰ বাবে পৰিয়ালৰ লোকে আজি সদাশয় লোকলৈ আহ্বান জনাই উল্লেখ কৰে যে ,কোনো ব্যক্তিয়ে তেজ দিব বিচাৰিলে সুন্দৰপুৰ ব্লাড বেংকত ব্লাড দিব পাৰে ৷
বহু কেইখন অসমীয়া চিনেমা ,ধাৰাবাহিক বিশেষকৈ সকলোৰে মাজত জনপ্ৰিয় হোৱা ‘ভাড়াঘৰ’ ধাৰাবাহিক ৰ অন্যতম কাকতিৰ চৰিত্ৰ ৰূপায়ণ কৰা জয়ন্ত দাসৰ অসুস্থতাৰ খবৰ শুনি তেওঁৰ অনুৰাগী,শুভাকাংক্ষীয়ে শীঘ্ৰে আশু আৰোগ্য কামনা কৰে ৷