Btr:
গোসাঁইগাঁও মহকুমাৰ এখন প্ৰাথমিক স্কুল। স্কুলখনৰ শিক্ষক নাহে স্কুলত। ঘৰত বহি খাইছে চৰকাৰী দৰমহা। কেৰেপ নকৰে কাকো। স্কুলখন হৈছে গোসাঁইগাঁও মহকুমাৰ কচুগাঁও শিক্ষা খণ্ডৰ হাতীগড় চান্তালী বি এল পি স্কুল। পূৰ্বতে স্কুলখনত এগৰাকী শিক্ষক আছিল। কিন্তু বৰ্তমান দুজন শিক্ষক। সহকাৰী শিক্ষক ৰুৱেন মুৰ্মু স্কুলত নাহি চৰকাৰী দৰমহা ভোগ কৰি আহিছে।
প্ৰধান শিক্ষক গৰাকী অকলে শ্ৰেণী কাৰ্য চলাই আহিছে। সহকাৰী শিক্ষক গৰাকী সপ্তাহত দুই – এদিন আহি চহী কৰি গুচি যায়। শিক্ষক গৰাকী স্কুলত নহাত ইয়াৰ পূৰ্বে ৰঙা চিয়াহিৰে অনুপস্থিত লিখি দিয়ে কৰ্তৃপক্ষই ।
প্ৰায় ৭৫ গৰাকী ছাত্ৰ ছাত্ৰী থকা এইখন চৰকাৰী স্কুলৰ জুৰুলা অৱস্থাই বিটিআৰৰ শিক্ষা বিভাগৰ ফোপোলা স্বৰূপ উদঙাই দিছে। উল্লেখ যে, শিক্ষক ৰুৱেন মুৰ্মু পূৰ্বে উক্ত স্কুলৰ প্ৰধান শিক্ষক আছিল যদিও স্কুলত উপস্থিত নথকাত তেওঁক সহকাৰী শিক্ষকৰ পদত দিয়ে যদিও তথাপিও নাহে স্কুলত।
উক্ত বিষয়টোৰ ওপৰত বিভাগীয় কতৃপক্ষই সহকাৰী শিক্ষক ৰুৱেন মুৰ্মুৰ ওপৰত কি ব্যবস্থা গ্রহণ কৰে সেয়া হব লক্ষণীয়।