Encroachers are Trying to build houses in Gotanagar Forestry:
মহানগৰীৰ মাজমজিয়াত সংৰক্ষিত বনাঞ্চলত একাংশ বেদখলকাৰীয়ে পাহাৰ কাটি ঘৰ বনোৱাত বাধা দিব যোৱা মহিলা বনকৰ্মী দাৰে ঘপিওৱাৰ চেষ্টা বেদখলকাৰীৰ ৷ এই ঘটনা সংঘটিত হয় গোটানগৰ সংৰক্ষিত বনাঞ্চলত ৷
উল্লেখ্য যে,গোটানগৰ সংৰক্ষিত বনাঞ্চলত ৰুমীৰাণী ৰায় নামৰ মহিলাগৰাকীয়ে পাহাৰ কাটি ঘৰ সাজি আছিল ৷ এই সম্ভেদ লাভ কৰিছিল বন বিভাগে ৷ আজি দুই বনৰক্ষী মিতালী কোঁৱৰ আৰু পাপৰি শইকীয়াই ঘৰ নিৰ্মাণত বাধা দিবলৈ গৈছিল | ইয়াতে খড়্গ গ্ৰস্ত হৈ ৰুমীৰাণী ৰায় নামৰ বেদখলকাৰী গৰাকীয়ে হাতত দা লৈ আক্ৰমণৰ বাবে খেদি যায় দুই মহিলা বনৰক্ষীক । দৌৰি পলাই প্ৰাণ ৰক্ষা পৰে মহিলা বনৰক্ষীৰ ৷ ইতিমধ্যে ঘটনাস্থলীত বন বিভাগৰ দল আৰু আৰক্ষী উপস্থিত হৈছে ৷