Mizoram:
প্ৰতিবেশী ৰাজ্য মিজোৰামত আৰক্ষীৰ অভিযানত জব্দ বৃহৎ পৰিমাণৰ হেৰ’ইন ৷
বিশেষ খবৰৰ ভিত্তিত মিজো আৰক্ষীৰ এটা বিশেষ টহলকাৰী দলে চাম্পাই জিলাৰ চালবয়িয়াত নাকা চেকিং চলাই এখন বাহনৰ গোপন চেম্বাৰৰ পৰা উদ্ধাৰ কৰে প্ৰায় ৯৯ টা হেৰ’ইনভৰ্তি চাবোনৰ বাকচ ৷ বাকচ কেইটাত আছিল প্ৰায় ১.১১০ কেজি হেৰ’ইন ৷ জব্দকৃত হেৰ’ইন খিনি আন্ত:ৰাষ্ট্ৰীয় বজাৰত মূল্য প্ৰায় ৩৩ লাখ বুলি সদৰি কৰে আৰক্ষীয়ে ৷
উল্লেখ্য যে,জব্দকৃত হে’ৰইন খিনি চাম্পাইৰ পৰা আইজললৈ নিয়াৰ উদ্দেশ্যৰে সৰবৰাহকাৰীয়ে বাহন আনিছিল ৷ আনহাতে আৰক্ষীয়ে চাম্পাইৰে পৌমুৱানছাংগা নামৰ সৰবৰাহকাৰী এজনক গ্ৰেপ্তাৰ কৰে ৷