16-year-old Girl Gang-Raped:
ওদালগুৰিৰ মাজবাটত ভয়ংকৰ ঘটনা ৷ দলবদ্ধ ধৰ্ষণৰ বলি এগৰাকী কিশোৰী ৷ টিউচনলৈ গৈ থকা পথত চিনাকি এজন যুবকে ঘৰত থৈ অহাৰ পলোভন দি কিশোৰী গৰাকীক ইটাভাটা এটালৈ নি আন চাৰি যুৱকৰ স’তে মিলি বলাৎকাৰ কৰে ৷
পিছত ধৰ্ষিতা কিশোৰী গৰাকী ঘৰলৈ আহি সমস্ত কথা পৰিয়ালক সদৰি কৰাৰ পাছতে এই ঘটনা বিয়পি পৰে মাজবাটত আটছা সহ বিভিন্ন সংগঠনে দোষীক কৰায়ত্ত কৰি কঠোৰ শাস্তিৰ দাবী প্ৰতিবাদমুখৰ হৈ পৰে ৷
ইয়াৰ মাজতে একাংশ লোকে এজন ধৰ্ষণকাৰীৰ বাসগৃহ জ্বলাই দিয়ে ৷ আন ধৰ্ষণকাৰীৰ ঘৰ জ্বলাবলৈ উদ্যত হয় যদিও ইতিমধ্যে ঘটনাস্থলীত আৰক্ষী- চিআৰ পিএফ উপস্থিত দৈ পৰিস্থিতি নিয়ন্ত্ৰণ কৰে ৷ ঘটনাস্থলীত উপস্থিত হোৱা অগ্নিনিৰ্বাপক বাহিনীৰ গাড়ী দাও দাও জ্বলি উঠা ঘৰটো নিৰ্বাপন কৰে ৷
এই ঘটনাক লৈ মাজবাটত অব্যাহত আছে উত্তপ্ত পৰিস্থিতি ৷ ইতিমধ্যে স্বতঃস্ফূৰ্ত ভাৱে বন্ধ হৈ পৰে মাজবাটৰ দোকান- পোহাৰ ৷ আনহাতে,মাজবাট আৰক্ষীয়ে ক্ষীপ্ৰতাৰে অভিযান চলাই পাঁচ নৰাধমক গ্ৰেপ্তাৰ কৰিবলৈ সক্ষম হয় ৷ ধৃত ধৰ্ষণকাৰী পাঁচটা হ’ল গ্ৰেপ্তাৰ ছাদ্দাম আলী, মোস্তাক আহমেদ, মহিদুল ইছলাম, অভিজুল আলী, এহছান আহমেদ ৷