New records in the stock market:
আজি শ্বেয়াৰ বজাৰত নতুন অভিলেখ ৷ সৰ্বকালৰ সৰ্বোচ্চ স্তৰত নিফ্টিয়ে( NIFTY) প্ৰথমবাৰৰ বাবে অভিলেখ সংখ্যক ২৪ হাজাৰ ঘৰ অতিক্রম ৷
পুৱাতে ব্যৱসায় হ্ৰাস পোৱাৰ পিছত বেঞ্চমাৰ্ক সূচকাংক পুনৰ উত্থান ঘটিছিল ৷ চেন্সেক্সে প্ৰথমবাৰৰ বাবে ঐতিহাসিক ৭৯ হাজাৰৰ সীমা অতিক্ৰম কৰে আৰু ব্লু চিপ ষ্টক ক্ৰয় কৰাৰ মাজতে নিফ্টিয়ে নতুন অভিলেখ গঢ়ে ৷
উল্লেখ্য যে, ব্লু চিপ ৰিলায়েন্স ইণ্ডাষ্ট্ৰীজ আৰু আইচিআইচিআই বেংক ক্ৰয় কৰাৰ সহায়ত ৩০ শ্বেয়াৰৰ বিএছই চেন্সেক্সে ৩৩৯.৫১ পইণ্ট অতিক্ৰম কৰে ৭৯,০১৩.৭৬ পইণ্টৰ নতুন শিখৰত উপনীত হয়। নিফটিয়েও উভতি আহি ৯৭.৬ পইণ্ট বৃদ্ধি পাই সৰ্বকালৰ উচ্চতম ২৩,৯৬৬.৪০ পইণ্টত উপনীত হয়।
৩০টা চেন্সেক্স কোম্পানীৰ ভিতৰত আল্ট্ৰাটেক চিমেণ্ট, জে এছ ডব্লিউ ষ্টীল, ৰিলায়েন্স ইণ্ডাষ্ট্ৰীজ, এক্সিছ বেংক, আই চি আই চি আই বেংক, বাজাজ ফাইনেন্স, কোটাক মহিন্দ্ৰা বেংক আৰু টাটা ষ্টীলে সৰ্বাধিক লাভ কৰাৰ বিপৰীতে মাৰুতি, টেক মহিন্দ্ৰা, এইচ চি এল টেকন’লজিছ আৰু লাৰ্চেন এণ্ড টৌব্ৰ’ই আটাইতকৈ বেছি পিছ পৰে। মূল্য নিৰ্ধাৰণৰ উদ্বেগ সত্ত্বেও অদূৰ ভৱিষ্যতে বজাৰ এইদৰে চলি থাকিলে চেন্সেক্সক ৮০,০০০ স্তৰলৈ লৈ যোৱাৰ সম্ভাৱনা আছে।
মনকৰিবলগীয়া যে, এছিয়াৰ বজাৰত ছিউল, টকিঅ’, চাংহাই আৰু হংকঙৰ ব্যৱসায় কম আছিল। বিনিময়ৰ তথ্য অনুসৰি বুধবাৰে বিদেশী প্ৰতিষ্ঠানৰ বিনিয়োগকাৰীয়ে ৩,৫৩৫.৪৩ কোটি টকাৰ ইকুইটি অফলোড কৰে।
আনহাতে, বিশ্বব্যাপী তেলৰ মানদণ্ড ব্ৰেণ্ট খাৰুৱা তেলৰ মূল্য ০.২১ শতাংশ হ্ৰাস পাই ৮৫.০৭ ডলাৰ প্ৰতি বেৰেলত হয়। একেদৰে বুধবাৰে বিএছইৰ বেঞ্চমাৰ্ক চেন্সেক্সে ৬২০.৭৩ পইণ্ট বা ০.৮০ শতাংশ বৃদ্ধি পাই ৭৮,৬৭৪.২৫ পইণ্টৰ শীৰ্ষত উপনীত হয়। নিফটি ১৪৭.৫০ পইণ্ট বা ০.৬২ শতাংশ বৃদ্ধি পাই ২৩,৮৬৮.৮০ পইণ্টৰ অভিলেখ সৃষ্টি কৰে।