Union Minister Sonowal Visited the flood victims from Guijan Ghat in Tinsukia to Mulukgaon:
বর্ধিত বান পৰিস্থিতিয়ে ৰাজ্যখনৰ লগতে ডিব্ৰুগড় লোকসভা সমষ্টিৰো বিভিন্ন অঞ্চল প্ৰভাৱিত কৰিছে। এই প্রতিকূল পৰিৱেশৰ মাজত আজি কেন্দ্রীয় কেবিনেট মন্ত্রী তথা ডিব্ৰুগড় লোকসভা সমষ্টিৰ সাংসদ সর্বানন্দ সোণোৱালে খোৱাং বিধানসভা সমষ্টিৰ বিভিন্ন ঠাই পৰিদৰ্শন কৰে। তদুপৰি তিনিটা বান সাহায্য শিবিৰতো তেখেতে উপস্থিত হৈ বানাক্ৰান্ত ৰাইজৰ সৈতে কথা পাতি ক্ষয়-ক্ষতিৰ বুজ লয়।
ৰাইজক সকাহ দিবলৈ সময়মতে সাহায্য সামগ্রী বিতৰণ, স্বাস্থ্যসেৱাৰ সুবিধা, বয়োজ্যেষ্ঠ আৰু শিশুসকলৰ বিশেষ যতন লোৱা, আশ্রয় শিবিৰত স্বচ্ছতা বজাই ৰখাকে ধৰি সকলো যাৱতীয় ব্যৱস্থা তৎপৰতাৰে উপলব্ধ কৰি ৰাখিবলৈ সংশ্লিষ্ট বিষয়াসকলক তেখেতে নির্দেশ দিয়ে। নাৱেৰে তিনিচুকীয়াৰ গুইজান ঘাটৰ পৰা মুলুকগাঁৱলৈ যাত্ৰা কৰি বানাক্ৰান্তৰ অৱস্থাৰো বুজ ল’লে কেন্দ্রীয় মন্ত্রী সর্বানন্দ সোণোৱালে।
বানপানী হ্রাস পোৱাৰ পাছত ক্ষতিপূৰণকে ধৰি অন্যান্য সা-সুবিধা আগবঢ়োৱাৰ ক্ষেত্ৰতো চৰকাৰে ক্ষিপ্ৰতাৰে কাম কৰিব। তদুপৰি ভগ্ন মথাউৰিৰ মেৰামতিৰ দিশটো তৎপৰতাৰে ত্বৰান্বিত কৰিবলৈ সংশ্লিষ্ট বিষয়াসকলক নির্দেশ দিছোঁ।
