BTC Chief interacts with GEM Participants Appeals for effective use of knowledge for a better Future:
কোকৰাঝাৰৰ ছালাকাটিস্থ এন টি পি চিৰ বালিকা সৱলীকৰণ অভিযান (জি ই এম)ত অংশগ্ৰহণ কৰা কণমানি কেইগৰাকীয়ে নিজৰ সপোনক আকোৱালি ল’বলৈ, কঠোৰ পৰিশ্ৰম কৰিবলৈ, আৰু নিজৰ ওপৰত বিশ্বাস কৰিবলৈ আহ্বান জনাইছে বিটিচিৰ মুৰব্বী প্ৰমোদ বড়োৱে ।
শুক্ৰবাৰে কোকৰাঝাৰৰ চহৰৰ বিটিচি সচিবালয়ত অনুষ্ঠিত হোৱা এন টি পি চিৰ বালিকা সৱলীকৰণ অভিযান (জি ই এম )কাৰ্যসূচীৰ অধীনত কোকৰাঝাৰলৈ অহা ৪০ গৰাকী কণমানিৰ সৈতে মতবিনিময় কৰি বিটিচিৰ মুৰব্বীগৰাকীয়ে উন্নত ভৱিষ্যতৰ বাবে জ্ঞানৰ ফলপ্ৰসূ ব্যৱহাৰৰ ওপৰত গুৰুত্ব আৰোপ কৰে।
জ্ঞানৰ শক্তিক ব্যৱহাৰ কৰি আমি নিজৰ আৰু আগন্তুক প্ৰজন্মৰ বাবে এক উজ্জ্বল, অধিক সমতাপূৰ্ণ ভৱিষ্যত সৃষ্টি কৰিব পাৰো বুলি উল্লেখ কৰি তেওঁলোকক নিজৰ শিক্ষা ব্যৱহাৰ কৰি নিজৰ সমাজলৈ ইতিবাচক পৰিৱৰ্তন আনিবলৈ আৰু আনৰ বাবে আদৰ্শ হ’বলৈ আহ্বান জনায়।
আনহাতে, ছালাকাটিস্থ এনটিপিচিৰ পদক্ষেপক প্ৰশংসা কৰি বিটিচিৰ মুৰব্বীগৰাকীয়ে মন্তব্য কৰে যে এই মিছনটো হৈছে কৰ্পৰেট সামাজিক দায়বদ্ধতাই কণমানি গৰাকীক তেওঁলোকৰ প্ৰকৃত সম্ভাৱনা পূৰণ কৰাত কেনেদৰে সহায় কৰিব পাৰে তাৰ এক উজ্জ্বল উদাহৰণ। তেওঁ এনটিপিচিয়ে শিক্ষা, স্বাস্থ্য সজাগতা, আত্মৰক্ষা প্ৰশিক্ষণ, আৰু সৃষ্টিশীল কলাৰ বিষয়ে বিস্তৃত কাৰ্যসূচীৰ জৰিয়তে কণমানিক সবলীকৰণৰ প্ৰতিশ্ৰুতিৰ বাবে প্ৰশংসা কৰে।