Cm Pressmet In Loksewa Bhawan:
ৰাজ্যত দ্বিতীয়বাৰৰ বাবে অনুষ্ঠিত হ’ব লগা তৃতীয় আৰু চতুৰ্থ বৰ্গৰ বাবে এইবাৰ হ’ব প্ৰত্যাহ্বানমূলক ৷ আনহাতে পৰীক্ষাত ভুল উত্তৰৰ বাবে থাকিব নিগেটিভ মাৰ্কিং ব্যৱস্থা। এই কথা সদৰি কৰে মুখ্যমন্ত্ৰী ড:হিমন্ত বিশ্ব শৰ্মাই। সোমবাৰে অসম সচিবালয়ৰ মুখ্যমন্ত্ৰী কাৰ্যালয় লোকসেৱা ভৱনত অনুষ্ঠিত এক সংবাদমেলত মুখ্যমন্ত্ৰী গৰাকীয়ে অসম প্ৰত্যক্ষ নিযুক্তি পৰীক্ষা চমুকৈ’এ ডি আৰ ই পৰীক্ষা পূৰ্বৰ আৰ্হিতেই এইবাৰো অনুষ্ঠিত হ’ব ৷
দ্বিতীয়বাৰৰ বাবে অনুষ্ঠিত হ’ব লগা তৃতীয় আৰু চতুৰ্থ বৰ্গৰ নিযুক্তি চমুকৈ’এ ডি আৰ ই পৰীক্ষাৰ আৰ্হি কেনেকুৱা হ’ব কি কি প্ৰশ্ন আহিব। একেদৰে কোনটো বিষয়ত কিমান নম্বৰ থাকিব এই সন্দৰ্ভত প্ৰাৰ্থী সকল উৎকণ্ঠিত হৈ থকাৰ মাজতে সোমবাৰে পৰীক্ষা নিয়ন্ত্ৰণকাৰী সন্থা ‘ৰাজ্যিক পৰ্যায়ৰ নিযুক্তি আয়োগে'(এছএল আৰ চি)য়ে সোমবাৰে প্ৰকাশ কৰিলে পৰীক্ষাৰ চিলেবাছ আৰু প্ৰশ্নৰ আৰ্হি ৷
সেই অনুসৰি তৃতীয়বৰ্গৰ লিখিত পৰীক্ষাৰ প্ৰশ্নৰ আৰ্হি এনেধৰণৰ: স্নাতক পৰ্যায়ৰ পদৰ বাবে মুঠ নম্বৰ থাকিব ১৭৫ আৰু প্ৰশ্ন থাকিব ১৫০ ৷ পৰীক্ষা হ’ব তিনিঘণ্টীয়া ৷
পৰীক্ষাটোত বিষয় সমূহ থাকিব সমাজবিদ্যা,সাধাৰণ গণিত,সাধাৰণ ইংৰাজী,সাধাৰণ জ্ঞান,যুক্তিসংগত যুক্তি আৰু মানসিক ক্ষমতাৰ(Logical Reasoning And Mental Ability)আৰু পঢ়া বোধগম্যতা আৰু ইংৰাজী ভাষা(Reading Comprehension and English Language)৷প্ৰতিটো বিষয়ত একাদিক্ৰমে প্ৰশ্ন আহিব ৩০,৩০ ১0 ,২০আৰু ২৫ ৷ উল্লেখ্য যে,সকলো প্ৰশ্নৰ বিপৰীতে নম্বৰ থাকিব দুই ৷
আনহাতে উচ্চতৰ মাধ্যমিক পৰ্যায়ৰ পদৰ বাবে মুঠ নম্বৰ থাকিব ১৫০ আৰু প্ৰশ্ন থাকিব ১৫০ টা ৷ তিনিঘণ্টীয়া পৰীক্ষাটোত সমাজবিদ্যাত প্ৰশ্ন থাকিব ৩০ টা,সাধাৰণ গণিতত ৩৫,সাধাৰণ ইংৰাজীত ৩৫,সাধাৰণ জ্ঞানত ৩০ ,যুক্তিসংগত যুক্তি আৰু মানসিক ক্ষমতাৰ(Logical Reasoning And Mental Ability)ত ২০ টা। উল্লেখ্য যে,সাধাৰণ ইংৰাজীৰ প্ৰতিটো প্ৰশ্নৰ বিপৰীতে নম্বৰ থাকিব এককৈ ৷
চালক পদৰ বাবে শিক্ষাগত অৰ্হতা হাইস্কুল পৰ্যায়ৰ ৷ এই পৰীক্ষাৰ বাবে প্ৰস্তুত কৰা বিষয় সমূহত মুঠ নম্বৰ ১৫০ আৰু প্ৰশ্ন থাকিব ১৫০ টা ৷ তিনিঘণ্টীয়া পৰীক্ষাত সমাজবিদ্যাত প্ৰশ্ন থাকিব ২০ টা,সাধাৰণ গণিতত ৩০,সাধাৰণ ইংৰাজীত ৩৫,সাধাৰণ জ্ঞানত ৩০ ,যুক্তিসংগত যুক্তি আৰু মানসিক ক্ষমতাৰ(Logical Reasoning And Mental Ability)ত ২০ টা পথ পৰিবহন বিষয়ত থাকিব ২০ টা প্ৰশ্ন আৰু । প্ৰতিটো প্ৰশ্নৰ বিপৰীতে নম্বৰ থাকিব এককৈ ৷
আনহাতে চতুৰ্থ বৰ্গৰ পদৰ বাবে পৰীক্ষা অনুষ্ঠিত হ’ব দুটা শাখাত ৷ এটা শাখাত অৱতীৰ্ণ হোৱা প্ৰাৰ্থীৰ শিক্ষাগত অৰ্হতা অষ্টম শ্ৰেণীৰ বিপৰীতে আনটো শাখাত অৱতীৰ্ণ প্ৰাৰ্থীৰ শিক্ষাগত অৰ্হতা দশম শ্ৰেণী ৷ দুয়োটা শাখাৰ প্ৰাৰ্থীয়ে সুকীয়া সুকীয়াকৈ পৰীক্ষাত অৱতীৰ্ণ হ’ব ৷ পৰীক্ষাৰ্থী সকলে নিজৰ পচন্দ অনুযায়ী অসমীয়া, বাংলা, ইংৰাজী, বড়ো আৰু হিন্দী ভাষাত পৰীক্ষা দিব পাৰিব। বিষয় সমূহ হ’ব সমাজবিদ্যা, গণিত , ইংৰাজী ,সাধাৰণ জ্ঞান,যুক্তিসংগত যুক্তি আৰু মানসিক ক্ষমতাৰ(Logical Reasoning And Mental Ability) ৷
বিষয় সমূতত থাকিব ১৩৫টা প্ৰশ্ন থাকিব ৷ কিন্ত প্ৰশ্ন সমূহ হ’ব -বিকল্পী প্ৰশ্ন (MCQ) পদ্ধতিৰ ৷ প্ৰতিটো প্ৰশ্নৰ বিপৰীতে নম্বৰ ধাৰ্য কৰা হৈছে এক ৷ অৱশ্যে প্ৰতিটো প্ৰশ্নৰ ভুল উত্তৰৰ বাবে থাকিব (ঋণাত্মক নম্বৰ)নিগেটিভ মাৰ্কিং ৷ স্মতৰ্ৱ্য যে,পৰীক্ষাৰ দিন আৰু সময় পৰৱৰ্তী সময়ত ঘোষণা কৰিব ৰাজ্যিক পৰ্যায়ৰ নিযুক্তি আয়োগে ৷