Police continue to search for bombs in the Guwahati:
দেশৰ স্বাধীনতা দিৱসৰ দিনটোত আলফা স্বাধীনে ৰাজ্যৰ কেতবোৰ স্থানত বোমা সংস্থাপন কৰাক লৈ তীব্ৰ আতংক অব্যাহত থকাৰ মাজতে বোমা নিষ্ক্ৰিয় কৰিবলৈ আৰক্ষীয়ে অভিযান তীব্ৰতৰ কৰি তুলিছে ৷
এই অভিযানৰ মাজতে মহানগৰীৰ সাতগাঁৱত আৰক্ষীয়ে প্লাষ্টিকেৰে মেৰিয়াই থোৱা অৱস্থাত বোমা সদৃশ এক সামগ্ৰী উদ্ধাৰ কৰে। বোমাটো আছিল ৩ কিলো ওজনৰ আইইডি ৷ ইতিমধ্যে বোমা স্কোৱাড দলে বোমাটো বোমাটো নিষ্ক্ৰিয় কৰে ৷ সেই সময়ত ঘটনাস্থলীত উপস্থিত থাকে গুৱাহাটীৰ আৰক্ষী আয়ুক্ত দিগন্ত বৰা ৷
শুকুৰবাৰে পুনৰ সাতগাঁও আৰক্ষীয়ে সাতগাঁৱত অভিযান চলাই চি ডি এ গেটৰ সন্মুখত উদ্ধাৰ কৰা হয় এটা বোমা ৷ আৰক্ষী আৰু সেনাৰ যৌথ দলে জেচিবিৰে মাটি খান্দি মাটিত পুতি থোৱা অৱস্থাত উদ্ধাৰ হয় সক্ৰিয় বোমাটো ৷
আনহাতে আজি জনতা ভৱনৰ সমীপস্থ দিছপুৰ লাষ্টগেটতো আৰক্ষীয়ে বোমাৰ সন্ধানত অভিযান চলাই এটা প্লাষ্টিকৰ পেকেট উদ্ধাৰ কৰিছিল যদিও সেইয়া বোমা নহয় আৰক্ষী নিশ্চিত হয় ৷
মনকৰিবলগীয়া যে,ইতিপূৰ্বে আলফা স্বাধীনে ঘোষণা কৰা অনুসৰি গুৱাহাটী আঠ স্থানত সংস্থাপিত কৰা হৈছিল বোমা ৷ গুৱাহাটী মহানগৰ আৰক্ষীয়ে ইতিমধ্যে তিনিটা বোমা উদ্ধাৰ কৰাৰ বিপৰীতে আন পাঁচটা স্থানত সংস্থাপিত বোমা সন্ধানত আৰক্ষীয়ে অভিযান অব্যাহত ৰাখিছে |