Delhi New Cm Atishi Oath Ceremony:
আম আদমি পাৰ্টিৰ নেত্ৰী আতিশীয়ে শনিবাৰে বিয়লী ৰাজ নিৱাসত দিল্লীৰ নতুন মুখ্যমন্ত্ৰী হিচাপে শপত গ্ৰহণ কৰে। সুষমা স্বৰাজ আৰু শীলা দীক্ষিতৰ পিছতে কেন্দ্ৰীয় শাসিত ৰাজ্য দিল্লীৰ তৃতীয় গৰাকী মহিলা মুখ্যমন্ত্ৰী হৈছে আতিশী।
আতিশীৰ স’তে আন পাঁচজন বিধায়কেও কেবিনেট মন্ত্ৰী হিচাপে শপত গ্ৰহণ কৰে। মন্ত্ৰী কেই গৰাকী হ’ল আপৰ জ্যেষ্ঠ নেতা গোপাল ৰায়, কৈলাশ গহলট, সৌৰভ ভৰদ্বাজ, ইমৰাণ হুছেইন আৰু মুকেশ আহলাৱত।
পদত্যাগ কৰাৰ সিদ্ধান্ত ঘোষণা কৰি কেজৰিৱালে কয় যে বিধানসভা নিৰ্বাচনত দিল্লীৰ জনসাধাৰণৰ পৰা “সততাৰ প্ৰমাণ পত্ৰ” লাভ কৰাৰ পিছতহে তেওঁ এই পদলৈ ঘূৰি আহিব। লগতে দিল্লীত আগতীয়াকৈ নিৰ্বাচন অনুষ্ঠিত কৰাৰ দাবী উত্থাপন কৰিছিল যদিও দিল্লী বিধানসভা আগতীয়াকৈ ভংগ কৰিবলৈ বিচৰা নাছিল।
অহা বছৰৰ ফেব্ৰুৱাৰী মাহত অনুষ্ঠিত হ’ব দিল্লী বিধানসভা নিৰ্বাচন। ইফালে, চুবুৰীয়া ৰাজ্য হাৰিয়ানাত আগন্তুক নিৰ্বাচনৰ প্ৰচাৰত ব্যস্ত হৈ পৰিছে আপ।