Asim Sahitya Sabha:
সভাপতিসহ শীর্ষ পদৰ বাছনিক লৈ আকৌ এবাৰ অসম সাহিত্য সভা ঘোৰ বিতৰ্কৰ আৱৰ্তত সোমাই পৰাৰ মাজতে নির্বাচনী কাম-কাজ আনুষ্ঠানিকভাবে আৰম্ভ হ’ল। আজি যোৰহাটৰ চন্দ্ৰকান্ত সন্দিকৈ ভৱনৰ মুখ্য কাৰ্যালয়ৰ পৰা উপ- সভাপতি আৰু প্ৰধান সম্পাদক পদৰ সাতজন দাবীদাৰে আজি মনোনয়ন সংগ্ৰহ কৰে।
উপ-সভাপতিৰ বাবে মনোনয়ন সংগ্রহ কৰাসকল হ’ল ড° অনিল শইকীয়া, পদুম ৰাজখোৱা, ডাঃ বিপিন চন্দ্ৰ কলিতা, নৰহৰি চুতীয়া আৰু অজয় সিংহ। প্রধান সম্পাদক পদৰ বাবে আবেদন সংগ্ৰহ কৰে ড° সঞ্জীৱ কুমাৰ শৰ্মা আৰু অজিত প্রসাদ শৰ্মাই। এনেদৰে নির্বাচনী তৎপৰতা আৰম্ভ হোৱাৰ সময়তে সভাত অব্যাহত থকা নির্বাচনকেন্দ্রিক খাম-খেয়ালিবোৰৰ বাবে কর্ণধাৰ সমিতিৰ পৰা পদত্যাগ কৰে বিশিষ্ট সাহিত্যিক-শিক্ষাবিদ ড° দয়ানন্দ পাঠকে।
সভাৰ সভাপতি ড° সূর্যকান্ত হাজৰিকালৈ প্রেৰণ কৰা পত্রত ড° পাঠকে উল্লেখ কৰে যে সভাপতি, উপ-সভাপতি আৰু প্রধান সম্পাদকৰ নির্বাচন কেন্দ্রিক কথা কামবোৰৰ বিষয়ে প্রকাশ পোৱা খবৰবোৰে তেওঁক ব্যথিত কৰিছে। এনে কথা অবাঞ্ছিত বুলি মন্তব্য কৰি পত্রখনত ড° পাঠকে লিখে, ‘এনে পৰিৱেশে আমাক বিস্মিত আৰু হতাশগ্রস্ত কৰিছে। এনে পটভূমিত মই সভাৰ কৰ্ণধাৰ সমিতিত থাকিব বিচৰা নাই। এনে পৰিপ্ৰেক্ষিতত মই কর্ণধাৰ সমিতিৰ পৰা তাৎক্ষণিকভারে কৰিলো।’
পদত্যাগ উল্লেখ্য যে অসম সাহিত্য সভাৰ পূর্ণাংগ অধিবেশন এইবাৰ পাঠশালাত অনুষ্ঠিত হ’ব। ইয়াৰ পূৰ্বে নির্বাচন অনুষ্ঠিত হ’ব। সভাৰ ৮৪৯ খন সক্রিয় শাখাই এই নির্বাচনত ভোটদান কৰিব। সভাপতি নির্বাচনক লৈ এইবাৰ সভাই আকৌ এবাৰ সংবিধান সংশোধন কৰে। সেই অনুসৰি, সাতজনীয়া এখন উচ্চস্তৰীয়
সমিতিয়ে পাঁচ গৰাকী ব্যক্তিক নির্বাচন কৰিব। তাৰ পাছত তেওঁলোকৰ অনুমোদন লোৱা হ’ব। অনুমোদনৰ পাছত শাখা সাহিত্য সভালৈ বেলট পেপাৰ প্ৰেৰণ কৰা হ’ব। শাখাবোৰে সেই বেলটত ভোটদান কৰিব। মনোনীত ব্যক্তিসকলৰ পৰিচয় গোপনে বথা হ’ব বুলিও সভাৰ নেতৃত্বই সদৰী কৰিছে; কিন্তু এই গোপনীয়তা কিমান সেয়া এক ডাঙৰ প্রশ্ন হৈছে। ছদ্মবেশী একাংশ সাহিত্যিক আৰু তথাকথিত সাহিত্য সংগঠকৰ কৰাল গ্রাসত পৰা অসম সাহিত্য সভাক ব্যক্তিগত লাভালাভৰ অংকতহে অধিকাংশই ব্যৱহাৰ কৰিছে। এনে কাৰণতে তথাকথিত উচ্চস্তৰীয় সমিতিৰ সদস্যই সভাপতি পদত নিজেই নিজৰ নাম প্রক্ষেপ
কৰিছে। সেই দুজন সদস্য হ’ল নাহেন্দ্র পাদুন আৰু গিৰীশ সন্দিকৈ। পশু চিকিৎসক সন্দিকৈ পশুপালন আৰু চিকিৎসা বিভাগৰ যুটীয়া সঞ্চালক পদৰ পৰা অৱসৰপ্ৰাপ্ত। চর্চা অনুসৰি, সন্দিকৈৰ সাহিত্যৰ ক্ষেত্ৰখনত কছৰৎ কি পৰ্যায়ৰ, সেয়া সভাৰে নেতৃত্ব দিয়া বহুতৰে জ্ঞাত । বৰ্তমানৰ প্রধান সম্পাদক উপেন্দ্রজিৎ শর্মাই সন্দিকৈ সভাপতি নির্বাচিত হোৱাটো বিচাৰিছে। কিয় বিচাৰিছে সেয়াও সভাৰ মঞ্চত এক ডাঙৰ প্রশ্ন হৈ আছে। নাহেন্দ্র পাদুনৰ বয়স বর্তমান ৮৫ বছৰ। তেওঁ বিভিন্ন ৰোগত আক্রান্ত হৈ আছে। গতিকে স্বাস্থ্যৰ দিশেৰে সভাপতি পদৰ বাবে পাদুন উপযুক্ত হৈ থকা নাই।
পাঁচজনীয়া তালিকাৰ আন তিনিটা নাম হ’ল গুৱাহাটী বিশ্ববিদ্যালয়ৰ অৱসৰপ্ৰাপ্ত অধ্যাপিকা ড° লীলাৱতী শইকীয়া, বিশিষ্ট লেখিকা অৰূপা পটংগীয়া কলিতা আৰু প্রাক্তন উপাচার্য ড° হিতেশ ডেকা। ড° শইকীয়া গুৰুতৰভাৱে অসুস্থ। তেওঁ একপ্ৰকাৰ শয্যাশায়ী অবস্থাত আছে। অৰূপা পটংগীর কলিতাই অসম সাহিত্য সভাক বিভিন্ন সময়ত সমালোচনা কৰি আহিছে। গতিকে তেওঁলোক দুয়োগৰাকী সভাপতি হোৱাৰ সম্ভাৱনা তেনেই ক্ষীণ। গতিকে সন্দিকৈ আৰু ড° ডেকাৰ মাজতে খুঁজখন হ’ব। সন্দিকৈক যিদৰে উপেন্দ্রজিৎ শর্মাই বিচাৰিছে, ড: ডেকায়ো বিগত দিনৰ অভিজ্ঞতাবোৰক ব্যৱহাৰৰ চেষ্টা অব্যাহত ৰখা বুলি চর্চা চলিছে।