Book Release:
মহানগৰীৰ অগ্ৰদূত ভৱনত শণিবাৰে লেখিকা পদ্মা শইকীয়াৰ প্ৰৱন্ধ সংকলন ‘স্বপ্নদ্ৰষ্টা উন্মোচন কৰা হয় ৷ প্ৰৱন্ধ সংকলন খনি উন্মোচন কৰে বিশিষ্ট সাংবাদিক তথা অসম সাহিত্য সভাৰ প্ৰাক্তন সভাপতি কনকসেন ডেকাই ৷ উন্মোচন কৰি দিয়া ভাষণত ডেকাই কয়,সাম্প্ৰতিক সময়ছোৱাৰ বিভিন্ন ঘটনা- পৰিঘটনা আৰু ছাত্ৰ-ছাত্ৰীৰ সামাজিক দায়বদ্ধতাক সমল হিচাপে লৈ লিখা গ্ৰন্থ খনি সকলোৰে আদৰি ল’ব ৷
লেখিকা পদ্মা শইকীয়াই নিজস্ব চিন্তা আৰু ধ্যান ধাৰণাৰে লিখা গ্ৰন্থ খনিৰ বহু কেইটা লিখনি নিশ্চয় পাঠকৰ বাবে আগ্ৰহৰ বিষয়বস্তু হ’ব ৷ শেহতীয়াকৈ কেতবোৰ ঘটনাৱলীয়ে গ্ৰন্থকাৰ সকলৰ বাবে উদ্বেগপূৰ্ণ সময় হৈছে ৷ এনে প্ৰেক্ষাপটত লেখক- লেখিকাই এক গতানুগতিক সৃষ্টিৰে ইটোৰ পাছত সিটোকৈ কৰি গৈছে ন ন সৃষ্টিৰাজী ৷
হেমন্ত চৌধুৰীয়ে আঁত ধৰা গাম্ভীৰ্যপূৰ্ণ গ্ৰন্থ উন্মোচনী সভাখনত উপস্থিত থাকে চলচ্চিত্ৰ সমালোচক – পৰিচালক সঞ্জীৱ কুমাৰ সভাপণ্ডিত,সাহিত্যিক তপন শৰ্মা সহ বহু কেইগৰাকী সাহিত্যানুৰাগী ৷ স্বপ্নদ্ৰষ্টা’ প্ৰকাশ কৰিছে পানবজাৰৰ অগ্ৰণী প্ৰকাশন গোষ্ঠী এম আৰ পাব্লিকেশ্যনে ৷