16 Bangladeshi Citizens Arrested:
আৰক্ষীয়ে অৰ্তকিতে চলোৱা অভিযানত আটক ১৬ বাংলাদেশী নাগৰিক ৷ দক্ষিণ শালমাৰাৰ মানকাচৰৰ ভাৰত-বাংলাদেশ সীমান্তৱৰ্তীৰ জোৰডাঙাৰ পৰা আটক কৰা হয় বাংলাদেশী কেইজনক ।
উল্লেখ্য যে , বাংগালুৰুৰ পৰা গুৱাহাটী ৰেল ষ্টেচনৰ পৰা দক্ষিণ শালমাৰা মানকাচাৰ জিলাৰ জোৰডাঙা গাঁৱৰ এজন লোকৰ ঘৰত বাহৰ পাতি থকা বাংলাদেশ কেইজনক (৭গৰাকী পুৰুষ, ৪গৰাকী মহিলা আৰু ৫ টা শিশু) মানকাচাৰ আৰক্ষীয়ে গোপন খবৰৰ ভিত্তিত অৰ্তকিতে অভিযান চলাই আটক কৰে ৷ ধৃত বাংলাদেশী নাগৰিক সকল হ’ল জাকিৰ এছ কে, ম: মেহদী হাছান, ৰুমানা আখটাৰ, ম: ৰিজৱান হাৱালদাৰ, জামাল এছ কে, বিউটী বেগম, মুন্নী বেগম, নুছৰৎ জাহান, ৰুস্তম এছ কে, ৰুবেল কুৰেছি, চান্দ মিয়া আৰু ৫টি শিশু।
পিছত মানকাচাৰ আৰক্ষী থানাত উপস্থিত হয় অসম আৰক্ষী আৰু বিএছএফৰ শীৰ্ষ বিষয়া ৷ আৰক্ষীৰ অনুসন্ধানত তেওঁলোকক বাংলাদেশী বুলি নিশ্চিত কৰাৰ অন্তত আটাইকে সীমান্তৰ সিপাৰে ওভতাই পঠোৱা হয়।