Mother-Son Missing In Bijni:
বিজনীৰ পুৰণি বিজনীৰ পৰা ৭ দিন ধৰি ৰহস্যজনকভাৱে সন্ধানহীন ৩ বছৰীয়া পুত্ৰ সন্তানসহ মাতৃ। নিৰুদিষ্ট চিৰাং জিলাৰ বিজনী গাওঁ পুৰণি বিজনী নিৱাসী জমিৰ আলিৰ ২১ বছৰীয়া পত্নী চাহিদা বেগম আৰু পুত্ৰ ছাৱাহিব আলি। স্বামী জমিৰ আলী কেৰালাত শ্ৰমিক হিচাবে কৰ্মৰত থকাত জমিৰ আলীৰ মা দেউতাকৰ লগত একলগে একেটা পৰিয়ালতেই আছিল নিৰুদিষ্ট বোৱাৰী গৰাকী।
যোৱা ২৭ ডিচেম্বৰ ৰাতিপুৱা ১০ বজাত পুৰাণ বিজনীৰ পৰা ৩ বছৰীয়া পুত্ৰক লগত লৈ চিকিৎসালয়লৈ বুলি ওলাই যোৱাৰ কথা কৈ ৰহস্যজনকভাৱে নিৰুদ্দেশ হৈ পৰে পত্নী চাহিদা বেগম আৰু পুত্ৰ ছাৱাহিব আলি। ঘটনা সন্দৰ্ভত যোৱা ২৭ ডিচেম্বৰত বিজনী থানাত এখন এজাহাৰ দাখিল কৰিছে যদিও এই পৰ্যন্ত পত্নী পুত্ৰৰ কোনো শুংসুত্ৰ লাভ কৰা নাই বিজনীৰ আৰক্ষীয়ে।
ওলাই যোৱাৰ সময়ত পত্নীয়ে মাটিয়া ৰঙৰ চুৰিদাৰ আৰু পুএই নীলা ৰঙৰ পেন্ট, বগা ৰঙৰ চলা পৰিহিত আছিল। নিৰুদিষ্ট চাহিদা বেগম ৪ ফুট ৩ ইঞ্চি উচ্চতাৰ আৰু বগা বৰণৰ। নিৰুদিষ্ট পত্নী পুত্ৰৰ সন্দৰ্ভত কিবা সম্ভেদ লাভ কৰিলে 8921262534 নম্বৰৰ মোবাইল ফোন অথবা নিকটৱৰ্ত্তী আৰক্ষী থানাৰ সৈতে যোগাযোগ কৰিবলৈ স্বামী জমিৰ আলি আৰু জমিৰ আলিৰ মাকে সংবাদ মাধ্যমৰ জৰিয়তে অনুৰোধ জনাইছে ।
