Bilasipara Police:
পুনৰ অসম আৰক্ষীৰ খাকী পোচাকত ক’লা দাগ সানিলে এজন আৰক্ষী কনিষ্টবলে | অবৈধ কাঠ কঢ়িয়াই নিয়া বাহন জব্দ কৰি মুকলি কৈ উৎকোচ লৈ এৰি দিলে চোৰাং কাঠ ব্যৱসায়ী আৰু বাহনক | এই ঘটনা সংঘটিত হৈছে বিলাসীপাৰাৰ নয়াহাট আৰক্ষী চকীত |
আৰক্ষী চকীটোত নিয়োজিত কনিষ্টবল বীৰেন্দ্ৰ বৰ্মন ওৰফে বীৰেন মুকলি কৈ উৎকোচ সংগ্ৰহৰ ভিজুৱেল ভাইৰেল হৈ পৰা ঘটনাই লজ্জানত কৰিলে অসম আৰক্ষীক | জনহিত জন সেৱাৰ্থেৰ শপত বাক্য পাঠ কৰি অসম আৰক্ষীত নিয়োজিত নয়াহাট আৰক্ষী চকীৰ এই জন কনিষ্টবলৰ বিৰুদ্ধে কঠোৰ শাস্তি মূলক ব্যৱস্থা গ্ৰহণ কৰিবলৈ আৰক্ষী সঞ্চালক প্ৰধানক দাবী জনাইছে সদৌ অসম সংখ্যালঘু সংগ্ৰাম পৰিষদে |
পিছত অবৈধ কাঠ ব্যৱসায়ীৰ পৰা মুকলিকৈ উৎকোচ সংগ্ৰহৰ দৰ দাম চলায় | কনিষ্টবল জনৰ ভাষ্য বৰ ছাৰে নামানিব , পাঁচ হাজাৰ টকা দিব লাগিব | তাৰ পিছতে অবৈধ কাঠ ব্যৱসায়ীৰ পৰা ধন লোৱাৰ দৃশ্য ভাইৰেল হৈ পৰে | আৰক্ষী কনিষ্টবল বীৰেন্দ্ৰ বৰ্মনৰ লগতে আৰক্ষী চকীৰ আন এগৰাকী কনিষ্টবল আতিফুৰ ৰহমানেও উৎকোচ সংগ্ৰহৰ দৰ দামত জড়িত থকা দেখিবলৈ পোৱা গৈছে |
আনহাতে বৰ ছাৰে পাঁচ হাজাৰ টকা বিছাৰিছে বুলি কনিষ্টবল বৰ্মনে প্ৰকাশ কৰা বৰ ছাৰ গৰাকী কোন ? এয়া আৰক্ষীৰ উচ্চ পৰ্য্যায়ৰ তদন্তত পোহৰলৈ আহিব | পিছে মুকলিকৈ উৎকোচ সংগ্ৰহ কৰা আৰক্ষী কনিষ্টবল বীৰেন্দ্ৰ বৰ্মন তথা আতিফুৰ ৰহমানৰ কুকৰ্ম দৃষ্টি গোচৰ হ’বনে অসমৰ আৰক্ষী প্ৰধান জিপি সিঙ আৰু ধুবুৰী জিলা আৰক্ষী অধীক্ষক নবীন সিঙৰ ।আৰক্ষী কনিষ্টবল দুজনৰ বিৰুদ্ধে কঠোৰ শাস্তি প্ৰদানৰ দাবী তুলিছে সদৌ অসম সংখ্যালঘু সংগ্ৰাম পৰিষদৰ সহকাৰী সাধাৰণ সম্পাদকে |