Maharashtra:
মহাৰাষ্ট্ৰত এক বিৰল স্নায়ু ৰোগে আতংক বিয়পাইছে। ইতিমধ্যে এই চিনড্ৰমত শতাধিক লোক আক্ৰান্ত হৈছে । ইয়াৰে এজনৰ দেওবাৰে মৃত্যু হয়। পৰিস্থিতিৰ ওপৰত নজৰ ৰাখিবলৈ পুনে প্ৰশাসনে ঘৰে ঘৰে নিৰীক্ষণ কৰে ।
সংবাদ সংস্থা পিটিআইৰ মতে, সম্ভৱত গুলেনবাৰী চিণ্ড্ৰোমত ভুগি থকা এজন ব্যক্তিৰ পুনেত মৃত্যু হৈছে । মহাৰাষ্ট্ৰৰ এজন স্বাস্থ্য বিষয়াই জনাইছে এই বিষয়টো । মৃতব্যক্তিজন চোলাপুৰৰ বাসিন্দা ।
কিন্তু পুনেত আহি গুলেন বাৰীত আক্ৰান্ত আৰু মৃত্যু বৰণ হয় । বৰ্তমান, মহাৰাষ্ট্ৰত কমেও ১০১ জন লোক গুলেনবাৰী চিণ্ড্ৰোমত ভুগি আছে বুলি স্বাস্থ্য বিষয়াই জানিবলৈ দিয়ে । তেওঁলোকৰ ভিতৰত ৬৮ জন পুৰুষ আৰু ৩৩ গৰাকী মহিলা ।
ভুক্তভোগীসকলৰ ১৬ জনক বায়ু ভেণ্টিলেচনত ৰখা হৈছে। পুনে আৰু পিম্প্ৰি-চিনচাদত, এই দুটা নিগম অঞ্চলত ৯৫ টা গুলেন বাৰী আক্ৰান্তৰ সন্ধান পোৱা গৈছে।
সাধাৰণতে কোনো গুৰুতৰ সংক্ৰামক ৰোগে শৰীৰত শিপাই গ’লে এই স্নায়ুৰ সমস্যা দেখা যায়। সঠিক সময়ত চিকিৎসা নকৰিলে এই ৰোগ মাৰাত্মক হ’ব পাৰে। অজ্ঞানতা গুলেন বাৰী চিনড্ৰমৰ প্ৰধান লক্ষণ। আৰম্ভণিতে শৰীৰৰ বিভিন্ন অংশত বিষ হ’ব পাৰে।
এই দুৰ্বলতা সংস্পৰ্শলৈ অহাৰ দুসপ্তাহৰ ভিতৰতে স্পষ্ট হৈ পৰে। বহু ক্ষেত্ৰত কেন্দ্ৰীয় স্নায়ুতন্ত্ৰ অজ্ঞান হৈ পৰে। ডিঙিৰ পেশীৰ ক্ষতি হয়। চিকিৎসা অবিহনে ৰোগীৰ খোজ কঢ়াতোও অসুবিধা হয় পৰে ।
কেন্দ্ৰীয় স্নায়ুতন্ত্ৰ দুৰ্বল হোৱাৰ বাবে মুখৰ পেশী দুৰ্বল হৈ পৰে, খাদ্য গিলিবলৈ কঠিন হৈ পৰে, চকুৰ পেশী দুৰ্বল হৈ পৰে, ফলত দৃষ্টিশক্তিৰ সমস্যাও দেখা দিয়ে। লগতে শৰীৰৰ বিভিন্ন অংশ যেনে ডিঙি, পিঠি, কঁকালত বিষ হ’ব পাৰে।