Air Chief Marshal:‘বিন্দুমাত্র ভৰসাযোগ্য নহয়’
তেজছ নিৰ্মাণকাৰী সংস্থা HAL’ তীব্ৰ সমালোচনা বায়ুসেনা প্রধানৰ
ভাৰতৰ বিমান নিৰ্মাতা কোম্পানী হিন্দুস্তান এৰ’নটিক্স লিমিটেড বা এইচ এ এলক লৈ ক্ষুব্ধ হৈ পৰিছে দেশৰ বায়ুসেনাৰ মুৰব্বী। বায়ুসেনাৰ মুৰব্বী এ পি সিঙে বিমান ডেলিভাৰীত পলম হোৱাৰ অভিযোগত তেজছ যুদ্ধ বিমান নিৰ্মাতা কোম্পানীক ৰাজহুৱাভাৱে তীব্ৰ সমালোচনা কৰি কয় যে, “তেওঁলোক একেবাৰেই বিশ্বাসযোগ্য নহয়।” তেওঁৰ মন্তব্য পোহৰলৈ অহাৰ পাছতেই জল্পনা কল্পনা চৰম হৈ পৰিছে।
এয়াৰ চীফ মাৰ্শ্বেল এ পি সিঙে মঙলবাৰে বাংগালুৰুৰ য়েলাহাঙ্কা বায়ু সেনা কেন্দ্ৰত এৰো ইণ্ডিয়া ২০২৫ অনুষ্ঠানত অংশগ্ৰহণ কৰে। তেওঁ কয়,”এই মুহূৰ্তত, এইচ.এ.এল.-ৰ ওপৰত আমাৰ কোনো বিশ্বাস নাই। এইটো বৰ দুখজনক, এইটো সঁচা। আমাৰ প্ৰয়োজনীয়তা পূৰণ কৰা আৰু আমাৰ বিশ্বাসযোগ্যতা পুনৰুদ্ধাৰ কৰাটো কোম্পানীৰ দায়িত্ব। কোম্পানীটোৱে আমাৰ বিশ্বাস পুনৰুদ্ধাৰ কৰিবলৈ পদক্ষেপ লোৱা উচিত। ”
এই বিতৰ্কৰ আঁৰৰ মূল কাৰণ হ’ল হালে বায়ুসেনাক বিমান যোগান ধৰা নাই। অভিযোগ অনুসৰি কেইবাবছৰ পূৰ্বে বায়ুসেনাই ৪০খন টেজাছ মাৰ্ক-১ ছিৰিজৰ যুঁজাৰু বিমান ডেলিভাৰীৰ উল্লেখ কৰিছিল। পাছত ৮৩ খন তেজছ ক্ৰয় কৰাৰ বাবে হালৰ উদ্ধৃতি দিয়া হয়। অৱশ্যে নিৰ্ধাৰিত সময় অনুসৰি বিমানখন ডেলিভাৰী কৰা নহ’ল।
এতিয়ালৈকে সকলো বিমান বায়ুসেনাই লাভ কৰা নাই। যোৱা মাহত ভাৰতীয় বায়ুসেনাৰ বৈঠকত এই বিষয়ত এয়াৰ চীফ মাৰ্শ্বালে মুখ খোলে।
তেওঁ অভিযোগ কৰে যে বহু আগতেই উদ্ধৃতি দিয়াৰ পাছতো হালে এতিয়াও বায়ুসেনাক দিয়া নাই তেজাছ মাৰ্ক-II যুদ্ধ বিমান।
দৰাচলতে বায়ুসেনাই ‘ফ্লাইং কফিন’ নামেৰে জনাজাত মিগ বিমানখনৰ সলনি তেজছসকলক বায়ুসেনাত ব্যাপকভাৱে অন্তৰ্ভুক্ত কৰাৰ বাবে বিচাৰিছে।
কিন্তু হালৰ পলমৰ বাবে প্ৰতি মুহূৰ্ততে সমস্যাটো বৃদ্ধি পাইছে ।ইফালে বায়ুসেনাৰ মুৰব্বীৰ এনে বিস্ফোৰক অভিযোগৰ পাছত হালে মুখ খোলে।
কোম্পানীটোৰ চিএমডি ডি কে সুনিলে এই ঘটনাৰ বাবে অতীতৰ বিপৰ্যয়ৰ বাবে জগৰীয়া কৰে। বায়ুসেনাৰ মুৰব্বীক সম্বোধন কৰি তেওঁ কয়, “১৯৯৮ চনত পাৰমাণৱিক পৰীক্ষাৰ পাছত আমাৰ সংগঠনে বিভিন্ন আন্তঃৰাষ্ট্ৰীয় নিষেধাজ্ঞাৰ সন্মুখীন হ’ব লগা হৈছিল। যাৰ প্ৰভাৱ বিমান নিৰ্মাণত পৰিছে। আমি আৰম্ভণিৰ পৰাই সকলো কৰিব লাগিব। ফলস্বৰূপে, আমি যথেষ্ট ব্যায়াম কৰিব লাগিব।এই ক্ষেত্ৰত পলম হোৱাৰ কাৰণক অলসতা বুলি দোষ দিব নোৱাৰে।
“মই এয়াৰ চীফৰ উদ্বেগ বুজি পাইছো। এই সমস্যাৰ বাবে তেওঁৰ স্কোৱাড্ৰনৰ শক্তি কমি আহিছে। কিন্তু মই প্ৰতিশ্ৰুতি দিছো আমি অতি সোনকালে আমাৰ আন্তঃগাঁথনি নিৰ্মাণ কৰিম। আৰু আমি এই সমস্যাৰ বিষয়ে বহুবাৰ জনাইছোঁ ।”
