মে-ডাম-মে-ফীত অংশ লোৱাৰ বাবেই শঙ্কৰদেৱ সংঘৰ সংগী পদ হেৰুৱালে চন্দ্ৰ বৰুৱাই

শ্ৰীমন্ত শঙ্কৰদেৱৰ সংঘৰ এক আজৱ নিদেৰ্শনাই পুনৰ আন এক বিতৰ্কৰ সৃষ্টি কৰিছে ৷ মে-ডাম-মে-ফীত অংশ লোৱাৰ বাবেই শঙ্কৰদেৱ সংঘৰ সংগী পদ হেৰুৱালে চন্দ্ৰ বৰুৱাই ৷

গহপুৰৰ নিবাসী তথা ককিলাগুৰি প্ৰাথমিক শাখাৰ সদস্য চন্দ্ৰ বৰুৱাই মে-ডাম-মে-ফীৰ অনুষ্ঠানত কৰিছিল অংশগ্ৰহণ। যাৰবাবে ককিলাগুৰি প্ৰাথমিক শাখাৰ সম্পাদক দ্ৰোণেশ্বৰ বৰাই এক পত্ৰ যোগে চন্দ্ৰ বৰুৱাৰ পৰিয়ালক শাখাৰ সংগী পদ বাতিল কৰে ৷ একেটা নিৰ্দেশত এইটোও কোৱা হৈছে যে পুনৰ সংগী পদ লাভৰ বাবে চন্দ্ৰ বৰুৱাই ভৰিব লাগিব ৫০০ টকাৰ ধৰ্মদণ্ড ৷ শংকৰদেৱ সংঘৰ ককিলাবাৰী আঞ্চলিকৰ এই পত্ৰই ৰাজ্যৰ সৰ্বত্ৰে সৃষ্টি কৰিছে তীব্ৰ প্ৰতিক্ৰিয়াৰ ৷