Prayagraj :ষ্টেচনত ভয়াৱহ ভিৰ ! ২৬ ফেব্ৰুৱাৰীলৈকে বন্ধ প্রয়াগৰাজৰ সংগম ষ্টেচন
ভয়াৱহ ভিৰ, ইটোৰ পাছত সিটো হোৱা দুৰ্ঘটনাৰ প্ৰতি লক্ষ্য ৰাখি কঠোৰ পদক্ষেপ গ্ৰহণ কৰিছে ভাৰতীয় ৰে’লৱে।
অহা ২৬ ফেব্ৰুৱাৰীলৈকে বন্ধ থাকিব প্ৰয়াগৰাজ সংগম ষ্টেচন । মহাকুম্ভ শেষ হোৱাৰ পাছত ২৭ ফেব্ৰুৱাৰীত পুনৰ মুকলি হ’ব এই ষ্টেচন। তীৰ্থযাত্ৰীসকলৰ সুৰক্ষাৰ প্ৰতি লক্ষ্য ৰাখি ভিৰ পৰিহাৰ কৰিবলৈ প্ৰয়াগৰাজলৈ যোৱা ১৫ খন ৰেল বাতিল কৰা হৈছে। এই বাহনসমূহ প্ৰয়াগৰাজ জংচনত ৰৈ নাথাকিব ।
মহাকুম্ভ উপলক্ষে দেশৰ বিভিন্ন প্ৰান্তৰ পৰা লাখ লাখ লোক ইয়ালৈ আহিছে। এতিয়ালৈকে, ত্ৰিবেণী সঙ্গমত ৫০ কোটিৰো অধিক লোকে ডুব দিছে। কুম্ভলৈ যোৱা বিশাল জনসমাগমৰ বাবে দেশৰ বিভিন্ন প্ৰান্তৰ পৰা দুৰ্ঘটনাৰ খবৰ পোৱা গৈছে।
শনিবাৰে, নতুন দিল্লী ৰে’ল ষ্টেচনত সংঘটিত এক পদপিস্থত ১৮ জন লোক নিহত হয়। বিশাল ব্যৱস্থা থকা স্বত্বেও, ৰে’ল কৰ্তৃপক্ষই প্ৰয়াগৰাজ সংগম ষ্টেচনৰ পৰিস্থিতি নিয়ন্ত্ৰণ কৰিবলৈ অসমৰ্থ হৈছে।
এই পৰিস্থিতিত, ৰেল ষ্টেচনটো ১৪ আৰু ১৬ ফেব্ৰুৱাৰীত বন্ধ ৰখা হৈছিল। এইবাৰ মেলাৰ সময়চোৱাত ইয়াক সম্পূৰ্ণৰূপে বন্ধ কৰাৰ সিদ্ধান্ত লোৱা হৈছে।
ইয়াৰ উপৰিও, ভাৰতীয় ৰে’লৱেই নতুন দিল্লী ষ্টেচনত সংঘটিত দুৰ্ঘটনাৰ প্ৰতি লক্ষ্য ৰাখি যাত্ৰীসকলৰ সুৰক্ষা নিশ্চিত কৰাৰ বাবে কেবাটাও পদক্ষেপ গ্ৰহণ কৰিছে।
ৰে’লৱেৰ মতে, প্ৰয়াগৰাজ ষ্টেচনৰ মাজেৰে যোৱা ১৫ খন দীঘলীয়া দূৰত্বৰ ৰে’লৰ পথ সলনি কৰা হ’ব। যাতে তীৰ্থযাত্ৰীৰ ভিৰ বন্ধ কৰিব পৰা যায়। মহাকুম্ভৰ সময়ত এই ১৫ খন ৰেল প্ৰয়াগৰাজ ষ্টেচনলৈ নাহে।
আনহাতে, দুৰ্ঘটনাটোৰ পাছত নতুন দিল্লী ষ্টেচনত যাত্ৰীৰ ভিৰ হ্ৰাস কৰিবলৈ প্লেটফৰ্মত টিকট বিক্ৰী বন্ধ কৰাৰ সিদ্ধান্ত লোৱা হৈছে।
দিল্লীৰ দৰে, বংগৰ আছানচোল ষ্টেচনত এক ভয়ংকৰ ছবি দেখা গৈছে। ইয়াত কুম্ভমুখী বিশাল জনতাৰ ফটো ছচিয়েল মিডিয়াত ভাইৰেল হৈ পৰিছে। উত্তৰ প্ৰদেশত প্ৰয়াগৰাজ, চুবেদাৰগঞ্জ, ফাফামৌ আৰু আন বহুতো ষ্টেচনত তীৰ্থযাত্ৰীৰ বৃহৎ ভিৰ দেখা যায়।
